پەلە ومىردەن ءوتتى

برازيليانىڭ اتاقتى فۋتبولشىسى پەلە 82 جاسىندا ومىردەن ءوتتى.

پەلە 1940 جىلدىڭ 23 قازان كۇنى تۋعان. ونىڭ شىن اتى-ءجونى — ەدسون ارانتەس دۋ ناسيمەنتۋ بولدى.

ول — ءۇش مارتە الەم چەمپيونى اتاعىن جەڭىپ العان جالعىز فۋتبولشى.

اتاقتى فۋتبولشى ۇزاق ۋاقىت بويى ونكولوگيامەن كۇرەسىپ كەلدى. بۇل اۋرۋ ونىڭ اعزاسىنان 2021 جىلدىڭ كۇزىندە انىقتالعان.

قاتەرلى دەرتكە قارسى كۇرەس ماقساتىندا بىرنەشە مارتە حيميوتەراپيادان ءوتتى. كەيىننەن دەنساۋلىعى وعان قارسى تۇرۋعا قاۋقارسىزدىق تانىتتى.

پەلە بيىلعى جىلدىڭ 29 قاراشاسىندا اۋرۋحاناعا جاتقىزىلدى.

ەمدەۋدىڭ بىرنەشە كۋرسىن قابىلداعان ەدى. دەگەنمەن اقپارات قۇرالدارى ونىڭ دەنساۋلىعى كۇن سايىن ناشارلاي تۇسكەنىن حابارلادى.

ول فۋتبولداعى العاشقى قادامىن 1956 جىلى برازيليانىڭ «سانتوس» كومانداسىندا باستاپ، وندا 1974 جىلعا دەيىن دوپ تەپتى.

ال 1975-1977 جىلداردا اقش-تىڭ «نيۋ-يورك كوسموس» كلۋبىندا وينادى. ەكى كوماندا ساپىندا 560 كەزدەسۋدە قارسىلاستار قاقپاسىن 541 مارتە ءدال كوزدەدى.

ال برازيليا ۇلتتىق قۇراماسى ساپىندا 1957-1971 جىلداردا 92 ويىندا 77 گولدىڭ اۆتورى اتاندى.

داستان كەنجالين،

استانا