SportPress.kz قازاقستان سپورت جاڭالىقتارى
كەشە الماتى قالاسىندا قازاقستان بوكس فەدەراتسياسىنىڭ پرەزيدەنتى كەڭەس راقىشەۆ جاس بوكسشىلاردى قارجىلاي ماراپاتتاعان بولاتىن. سولاردىڭ ىشىندە جاس تا بولسا حالىقارالىق ارەنادا ەل نامىسىن لايىقتى قورعاپ جۇرگەن ماڭعىستاۋلىق تالانتتى بوكسشى اسەم تاڭاتاردى فەدەراتسيا باسشىسى 1 ميلليون تەڭگەمەن ماراپاتتادى.
بىلتىر يسپانيانىڭ اليكانتە قالاسىندا وتكەن جاستار اراسىنداعى الەم چەمپيوناتىنىڭ جەڭىمپازدارى مەن جۇلدەگەرلەرىنە قوشەمەت كورسەتتى. سپورتشىلاردىڭ جەكە باپكەرلەرىنە دە قارجىلاي اقشا بەردى. ماراپاتتاۋدىڭ جالپى جۇلدە قورى – 20 ميلليون تەڭگە بولدى.
بىلتىر اسەم تاڭاتار الاكەنتە قالاسىندا وتكەن الەم چەمپيوناتىنا قاتىسىپ، ءۇشىنشى ورىن الدى.
ول 2005 جىلى ماڭعىستاۋ وبلىسىندا تۋعان. قازىر مۇنايلى اۋدانى №11 جالپى ءبىلىم بەرەتىن ورتا مەكتەپتىڭ 11-سىنىپ وقۋشىسى. ماڭعىستاۋ وبلىسىنىڭ بوكس قۇراماسىنىڭ مۇشەسى. بوكستان قازاقستاننىڭ بىرنەشە مارتە چەمپيونى، ازيا چەمپيوناتىنىڭ كۇمىس جۇلدەگەرى (دۋباي، 2021)، دۇنيەجۇزىلىك ءحىح جازعى گيمنازيادانىڭ كۇمىس جۇلدەگەرى (نورمانديا، 2022)، الەم چەمپيوناتىنىڭ قولا جۇلدەگەرى (اليكانتە، 2022). جەكە جاتتىقتىرۋشىسى – دياس ەسەنوۆ.
يسپانيادا ەلىمىزدىڭ جاستار قۇراماسى جاقسى ناتيجە كورسەتتى. مەدالداردىڭ سانى مەن ساپاسى بويىنشا ءبىز ءۇشىنشى ورىن الدىق. ارادا كوپ ۋاقىت وتسە دە، ءبىز جاس بوكسشىلارىمىزدى ۇمىتقان جوقپىز. ءبىز جاستارعا سەنىم ارتامىز. بولاشاقتا ولار ۇلتتىق قۇراما بوكسشىلارىنىڭ ورنىن باسادى. اسەرەسە، ايەلدەر بوكسىنداعى ناتيجەلەر قۋانتادى. بوكس – ءبىزدىڭ ۇلتتىق سپورتىمىزعا اينالدى. قازىر اۋەسقوي بوكستا ءجۇرىپ، اتىڭدى شىعارۋعا بولادى. جاقسى قاراجات تابا الاسىڭ. بارلىق بوكسشىلارعا، باپكەرلەر قۇرامىنا جانە ءبىزدىڭ جەڭىستەرىمىزدىڭ جارشىسى – باق وكىلدەرىنە العىس ايتامىن، – دەدى كەڭەس راقىشەۆ.
فەدەراتسيا پرەزيدەنتى الەم چەمپيوندارى ەلينا بازاروۆا (54 كگ) مەن باقىت سەيدىشكە (66 كگ) – 3 ميلليون تەڭگەنىڭ سەرتيفيكاتتارىن بەردى. كۇمىس جۇلدەگەرلەر نۇربەك مۋرسال (67 كگ) مەن داۋلەت تۋلەميسوۆ (75 كگ) 1،5 ملن تەڭگەدەن الدى. قولا جۇلدەگەرلەر گۇلناز بۋريباەۆا (48 كگ)، اسەم تاڭاتار (63 كگ) مەن اسەل توقتاسىن (+81 كگ) 1 ميلليون تەڭگەگە يە بولدى.
ايبەك مۇحانوۆ،
قازاقستان جۋرناليستەر وداعىنىڭ مۇشەسى.
ماڭعىستاۋ وبلىسى، اقتاۋ قالاسى.
