Mańǵystaýlyq boksshy Ásem Tańatar 1 mıllıon teńgemen marapattaldy

Keshe Almaty qalasynda Qazaqstan boks federaııasynyń prezıdenti Keńes Raqyshev jas boksshylardy qarjylaı marapattaǵan bolatyn. Solardyń ishinde jas ta bolsa halyqaralyq arenada el namysyn laıyqty qorǵap júrgen mańǵystaýlyq talantty boksshy Ásem Tańatardy federaııa basshysy 1 mıllıon teńgemen marapattady.

Byltyr Ispanııanyń Alıkante qalasynda ótken jastar arasyndaǵy álem chempıonatynyń jeńimpazdary men júldegerlerine qoshemet kórsetti. Sportshylardyń jeke bapkerlerine de qarjylaı aqsha berdi. Marapattaýdyń jalpy júlde qory – 20 mıllıon teńge boldy.

Byltyr Ásem Tańatar Alakente qalasynda ótken álem chempıonatyna qatysyp, úshinshi oryn aldy.

Ol 2005 jyly Mańǵystaý oblysynda týǵan. Qazir Munaıly aýdany №11 jalpy bilim beretin orta mekteptiń 11-synyp oqýshysy. Mańǵystaý oblysynyń boks quramasynyń múshesi. Bokstan Qazaqstannyń birneshe márte chempıony, Azııa chempıonatynyń kúmis júldegeri (Dýbaı, 2021), Dúnıejúzilik HIH jazǵy gımnazııadanyń kúmis júldegeri (Normandııa, 2022), álem chempıonatynyń qola júldegeri (Alıkante, 2022). Jeke jattyqtyrýshysy  – Dıas Esenov.

Ispanııada elimizdiń jastar quramasy jaqsy nátıje kórsetti. Medaldardyń sany men sapasy boıynsha biz úshinshi oryn aldyq. Arada kóp ýaqyt ótse de, biz jas boksshylarymyzdy umytqan joqpyz. Biz jastarǵa senim artamyz. Bolashaqta olar ulttyq qurama boksshylarynyń ornyn basady. Áserese, áıelder boksyndaǵy nátıjeler qýantady. Boks – bizdiń ulttyq sportymyzǵa aınaldy. Qazir áýesqoı boksta júrip, atyńdy shyǵarýǵa bolady. Jaqsy qarajat taba alasyń. Barlyq boksshylarǵa, bapkerler quramyna jáne bizdiń jeńisterimizdiń jarshysy – BAQ ókilderine alǵys aıtamyn, – dedi Keńes Raqyshev.

Federaııa prezıdenti álem chempıondary Elına Bazarova (54 kg) men Baqyt Seıdishke (66 kg) – 3 mıllıon teńgeniń sertıfıkattaryn berdi. Kúmis júldegerler Nurbek Mýrsal (67 kg) men Dáýlet Týlemısov (75 kg) 1,5 mln teńgeden aldy. Qola júldegerler Gúlnaz Býrıbaeva (48 kg), Ásem Tańatar (63 kg) men Ásel Toqtasyn (+81 kg) 1 mıllıon teńgege ıe boldy.

Aıbek MUHANOV,

Qazaqstan Jýrnalıster Odaǵynyń múshesi.

Mańǵystaý oblysy, Aqtaý qalasy.