Гимнастшы Елжаңа Тәниева – Әлем кубогының күміс жүлдегері

Көркем гимнастикадан Болгарияның София қаласында өткен Әлем кубогы аяқталды. Финалда Елжаңа Тәниева 2-орын алды.

Қазақстан гимнастика федерациясының хабарлауынша, Елжаңа Тәниева ұршық, доп және таспа бойынша жаттығулардың финалында өнер көрсетті. Ол финалда 30,900 ұпай жинады.

Алтын медальді өзбекстандық Тахмина Икромова иеленсе, қола жүлдені бразилиялық Барбара Домингос жеңіп алды.

Бұған дейін Елжаңа Тәниева Испанияның Марбелла қаласында өткен Гран-приде үшінші болып, қола жүлдегер атанған еді.

Дастан КЕНЖАЛИН,

АСТАНА