ساۋد ارابياسى فۋتبول ترانسفەرىنە 19،7 ملرد ەۋرو ءبولدى

ساۋد ارابياسىنىڭ سپورت مينيسترلىگى الداعى 7 جىلعا فۋتبول ترانسفەرلەرىنە شامامەن 19،7 ملرد ەۋرو قاراجات ءبولدى.

بۇل تۋرالى جۋرناليست جانە ينسايدەر بەن دجەيكوبس الەۋمەتتىك جەلىدە مالىمدەدى.

ساۋد ارابياسى فۋتبول ترانسفەرىنە 19،7 ملرد ەۋرو ءبولدى. ەندى وسى ەلدىڭ كوماندالارى 2030 جىلعا دەيىن ورتاشا ەسەپپەن العاندا ءار قايسىسى 2،5 ملرد ەۋرودان الادى، — دەدى ول،

ساۋد ارابياسى چەمپيوناتىنىڭ جاڭا ماۋسىمى 11 تامىزدا باستالادى.

قازىر بۇل ەلدە پورتۋگاليالىق كريشتيانۋ رونالدۋ «ءال-ناسر» كلۋبىندا وينايدى. ول جارتى جىلدان بەرى وسى كوماندانىڭ شابۋىلشىسى.  ونىمەن بىرگە ءبىر كوماندادا مارسەلو بروزوۆيچ ويناپ ءجۇر. سونىمەن بىرگە جاقىندا «ءال-يتتيحاد» جاساعىنا فرانتسيالىق ويىنشى كاريم بەنزەما كەلدى. ودان باسقا «ءال-يتتيحادتا» نگولو كانتە وينايدى. ساۋديانىڭ «ءال-حيلال» كلۋبىنىڭ قۇرامىنا رۋبەن نەۆەش، كاليدۋ كۋليبالي قوسىلعان. «ءال-احليدە» ەدۋار مەندي بار.

الداعى ۋاقىتتا ساۋد ارابياسىنىڭ كوماندالارىنا نەيمار، لۋكا مودريچ، ساديو مانە، انتۋان گريزمانن مەن روبەرت لەۆاندوۆسكي كەلۋى مۇمكىن دەگەن اقپارات شىقتى.

ەندى جاقىن ارادا «پاري سەن+جەرمەننىڭ» شابۋىلشىسى كيليان مباپپەننىڭ دە اراب تۇبەگىنە بارادى دەگەن اڭگىمە بار. مباپپەنى «ءال-حيلال» جاساعى 300 ملن ەۋروعا ساتىپ العىسى كەلەدى ەكەن.

داستان كەنجالين،

استانا

The Ministry of Sport have allocated £17bn on Saudi Pro League transfers between now and 2030.💷 pic.twitter.com/pVUzCwEnj5

— Ben Jacobs (@JacobsBen) July 24، 2023