Saýd Arabııasy fýtbol transferine 19,7 mlrd eýro bóldi

Saýd Arabııasynyń Sport mınıstrligi aldaǵy 7 jylǵa fýtbol transferlerine shamamen 19,7 mlrd eýro qarajat bóldi.

Bul týraly jýrnalıst jáne ınsaıder Ben Djeıkobs áleýmettik jelide málimdedi.

Saýd Arabııasy fýtbol transferine 19,7 mlrd eýro bóldi. Endi osy eldiń komandalary 2030 jylǵa deıin ortasha eseppen alǵanda ár qaısysy 2,5 mlrd eýrodan alady, — dedi ol,

Saýd Arabııasy chempıonatynyń jańa maýsymy 11 tamyzda bastalady.

Qazir bul elde portýgalııalyq Krıshtıaný Ronaldý «Ál-Nasr» klýbynda oınaıdy. Ol jarty jyldan beri osy komandanyń shabýylshysy.  Onymen birge bir komandada Marselo Brozovıch oınap júr. Sonymen birge jaqynda «Ál-Ittıhad» jasaǵyna franııalyq oıynshy Karım Benzema keldi. Odan basqa «Ál-Ittıhadta» Ngolo Kante oınaıdy. Saýdııanyń «Ál-Hılal» klýbynyń quramyna Rýben Nevesh, Kalıdý Kýlıbalı qosylǵan. «Ál-Ahlıde» Edýar Mendı bar.

Aldaǵy ýaqytta Saýd Arabııasynyń komandalaryna Neımar, Lýka Modrıch, Sadıo Mane, Antýan Grızmann men Robert Levandovskı kelýi múmkin degen aqparat shyqty.

Endi jaqyn arada «Parı Sen+Jermenniń» shabýylshysy Kılıan Mbappenniń de Arab túbegine barady degen áńgime bar. Mbappeni «Ál-Hılal» jasaǵy 300 mln eýroǵa satyp alǵysy keledi eken.

Dastan KENJALIN,

ASTANA

The Ministry of Sport have allocated £17bn on Saudi Pro League transfers between now and 2030.💷 pic.twitter.com/pVUzCwEnj5

— Ben Jacobs (@JacobsBen) July 24, 2023