SportPress.kz Qazaqstan sport jańalyqtary
Qazaqstan fýtboly tarıhyndaǵy úzdik oıynshylardyń biri, «Qaırattyń» kóp jylǵy kapıtany Tımýr Segizbaev 76 jasynda qaıtys boldy, dep habarlaıdy Qazaqstan fýtbol federaııasy.
«Qazaqstan sporty orny tolmas qazaǵa ushyrady. Qazaqstannyń fýtbol federaııasy, oıynshylar, bapkerler, ardagerler jáne tóreshiler korpýsy, sonymen qatar elimizdiń fýtbol qaýymdastyǵy Tımýr Sanjarulynyń týystary men jaqyndaryna kóńil aıtady» delingen habarlamada.
Almaty fýtbolynyń túlegi Tımýr Segizbaevtyń búkil sporttyq karerasy «Qaıratta» ótti. Ol komandanyń sapynda 1958 jyldan 1970 jylǵa deıin 200-den asa match ótkizdi.
Jartylaı qorǵaýshy pozıııasynda oınaǵan ol komandanyń kapıtany boldy. Al KSRO chempıonaty joǵary lıgasynda Máskeýdiń «Spartak» komandasy qaqpasyna bir oıynda eki gol soǵýy otandyq fýtboldyń iri jetistigi sanalady. Alaıda, jaraqattary saldarynan ol 29 jasynda fýtbolmen qosh aıtysýǵa májbúr boldy.
Tımýr Segizbaev 1971 jyldan 1988 jylǵa deıin bapkerlik qyzmet etti. Ol Qyzylordanyń «Avtomobılıst», Qaraǵandynyń «Shahter», Shymkenttiń «Melıorator» jáne «Qaırat» komandalaryn jattyqtyrdy. Sonymen qatar ol Iemen qurama komandasynyń bas bapkeri boldy.
Onyń jetekshiligimen «Qaırat» KSRO chempıonatynda jetinshi orynǵa shyqty. Bul «Qaırattyń» KSRO joǵary lıgasyndaǵy eń iri jetistigi.
