Almatyda fýtboldan «Jyl basy jaqsylyq ákelgeı» týrnıri ótti

Bul týrnır jyl saıyn uıymdastyrylyp, dástúrge aınalyp keledi. Belgili sport jýrnalısi Aqyn Ordabaıulynyń uıymdastyrýmen salaýatty ómir saltyn ustanýdy dáripteıtin týrnır bıyl da joǵary dárejede ótti.

Takır  Balyqbaev basqaratyn Abaı atyndaǵy Qazaq ulttyq pedagogıkalyq ýnıversıtetiniń sport zalynda ótken týrnırge paıǵambar jasynan asqan qarttar da, mektep oqýshysy da qatysty.

Tartysty básekede  «Suńqar» komandasy men  Almaty qalalyq qutqarý qyzmetiniń mamandary fınaldyq básekege shyqty.  Qutqarý qyzmetkerleriniń komandasynda jasy 67-ge kelgen aqsaqal oınady. Jetpis jastyń jelkesine jetkenine qaramastan qarııanyń qımyly otyzdaǵy jigitterden bir kem emes. Tipti keıde alańda dopqa tartys kezinde jastar qarııanyń shapshańdyǵyna  ilese de almaı jatty.

1-oryndy Qutqarý qyzmetiniń  komandasy ıelense, 2-oryndy «Suńqar» fýtbolshylary aldy. Júldeli 3-oryn «Qarǵaly» komandasyna buıyrdy.

Týrnırdi uıymdastyrýshy Aqyn Ordabaıuly jeńipaz komanda men júldegerlerge kýbok tapsyryp, jekelegen oıynshylardy arnaıy syılyqpen marapattady.

Jarysqa qatysýshy ardager  oıynshylar, 30-50 jas aralyǵyndaǵy  jigit aǵalary bul týrnırdiń aıasyn keńeıtip, qala deńgeıinde ótkizý kerektigin aıtyp jatty.

Bul jaıynda Aqyn Ordabaev bylaı dedi: «Elimizde buqaralyq sportty damytý úshin, halyqtyń salaýatty ómir saltyna beıimdelýi jolynda mundaı týrnırler óte-móte qajet. Qarańyzshy, jetpiske jaqyndaǵan aǵamyzdyń ala dopty qalaı shyrq úıretinin.  Jasy keldi eken dep úlkenderdi ysyra bermeý kerek. Kerisinshe, osyndaı sporttyq mereke uıymdastyrsaq jastarǵa úlken úlgi.  Bizdiń «jyl basy jaqsylyq ákelgeı» degen ataýmen ótetin dástúrli týrnırimizdiń kózdegen muraty da osy».

Qýanysh NURDANBEK

 ALMATY