Kúresten ACh: Rızabek Aıtmuhan — kúmis medalıst!

Qyrǵyzstannyń Bishkek qalasynda erkin kúresten ótip jatqan Azııa chempıonatynda elimiz tarıhyndaǵy tuńǵysh álem chempıony atanǵan Rızabek Aıtmuhan jańa salmaqta kúmis júldegeri atandy.

Ol fınalda 97 keli salmaqtaǵy álem chempıony, bahreındik Ahmed Tajýdınovpen kúresip, 2:4 esebimen ese jiberdi.

Bul ekeýi bozkilemde osymen ekinshi ret kezdesti. Buǵan deıin Túrkııada ótken halyqaralyq týrnırde de Tajýdınov qazaq balýanyn jeńgen bolatyn.

Rızabek Aıtmuhan — 92 keli salmaqta álem chempıony. Ol jańa maýsymdy olımpıadalyq salmaqta bastap otyr. Bıylǵy Azııa chempıonatynda sportshy jartylaı fınalda Úndistannyń ókilin merziminen buryn tize búktirse, oǵan deıin ózbekstandyq Mahsud Veısalov pen Qyrǵyzstannyń sportshysy Andreı Aronovty jeńgen.

Byltyr ol Astanada ótken sary qurlyq chempıonatynda kúmis medal alǵan. Endi bıyl da kúmis medaldi qanaǵat etip otyr.

Keshe taǵy bir balýanymyz Azamat О́mirjanov qola medal úshin kúreste qarsylasynan jeńilip qaldy.

Erkin kúresten 79 keli salmaq dárejesinde synǵa túsken О́mirjanov kishi fınalda ózbekstandyq Asomıddın Hasanovqa ese jiberdi.

Osylaısha, ol Azııa chempıonatyn besinshi orynmen aıaqtady.

Dastan KENJALIN,

ASTANA