• Қазақ
  •   
  • Qazaq
  •   
  • قازاق
  •   
  • Рус
  •   

    الاتاۋدىڭ ار جاعىنان التىن جۇلدەلەر اكەلە جاتىر

    قىرعىزستاننىڭ وش وبلىسىندا دجيۋ-دجيتسۋدەن (نە-ۆازا) وتكەن «Alay open»  حالىقارالىق تۋرنيرىندە قازاق سپورتشىلارى 15 التىن، 5 كۇمىس جانە 5 قولا مەدالدى يەلەندى.

    وعان «Sagadat batyr QTT»  سپورت كلۋبىنان 7 مەن 17 جاس ارالىعىنداعى 23، ال ەرەسەكتەردەن 4 سپورتشى قاتىستى. تۋرنيردە جاسىنا قاراماي، جىبەك ق ۇلىمبەتوۆانىڭ جەڭىمپاز اتانعانىن ايتا كەتكەن ءجون. جارىستا ول قىرعىز، وزبەك، تاجىك سپورتشىلارىن تىزە بۇكتىرىپ، تاعى دا التىن جۇلدەنى جەڭىپ الدى. جىبەك 11 جاستا. ول جاس بولسا دا قازىردىڭ وزىندە  الەم چەمپيونى، حالىقارالىق تۋرنيرلەردىڭ جەڭىمپازى اتانىپ وتىر.

    وسى تۋرنيردە «Sagadat batyr QTT» كلۋبىنىڭ جاتتىقتىرۋشىسى سامات ايتپانبەت تە ەل نامىسىن قولدان بەرمەي، قۇرمەت تۇعىرىنىڭ ەڭ بيىك ساتىسىنا كوتەرىلدى. جالپى، تۋرنيردە قازاقستان سپورتشىلارى 25 جۇلدە الىپ، الاتاۋدىڭ ار جاعىنداعى ايىرقالپاقتى اعايىنعا كوك بايراعىمىزدى كوتەرتتى.  اتاپ وتەتىن ءبىر نارسە، جۇلدەلەردىڭ ءبارىن نۇرسۇلتان ورىنباساروۆ جەتەكشىلىك ەتەتىن «Sagadat batyr – QTT» سپورت كلۋبىنىڭ سايىپقىراندارى جەڭىپ الدى.

    تۋرنيردە نۇرسۇلتان ورىنباساروۆتىڭ ءوزى دە 84 كيلو سالماقتا جەڭىمپاز اتاندى. ول ءبىر جىل ۇزىلىستەن كەيىن بوزكىلەمگە قايتا ورالىپ، قۇرمەت تۇعىرىنىڭ بيىك ساتىسىندا تۇرۋعا لايىق ەكەنىن دالەلدەدى.

    –ۇزاق مەرزىمدى دەمالىستان كەيىنگى جارىس وتە ءساتتى اياقتالدى. بۇل جەڭىس وسى تۋرنيرمەن تۇسپا-تۇس كەلگەن تۋعان كۇنىمە كەرەمەت سىي بولدى. الداعى ۋاقىتتا بارلىق تۋرنيرلەر مەن چەمپيوناتتارعا قاتىسامىن، – دەدى ول.

    نۇرسۇلتان ورىنباساروۆ ءبىر جىل بوزكىلەمدە بوي كورسەتپەگەنىمەن سپورتتان الشاقتاعان ەمەس. ول بىلتىردان بەرى حالىقارالىق دەڭگەيدەگى جەتى تۋرنير ۇيىمداستىرىپ، الەم چەمپيوناتىنا شاكىرتتەرىن دايىنداپ، بالالاردىڭ كاسىبي شەبەرلىگىن ارتتىرىپ قويماي،  رۋحاني تۇرعىدا دا تاربيە جۇمىستارمەن اينالىستى. قازىر قاراپ وتىرساق، الەم چەمپيوناتى مەن حالىقارالىق تۋرنيرلەردە  «ساعادات باتىر» سپورت مەكتەبىنىڭ شاكىرتتەرى كورسەتىپ جۇرگەن ناتيجەلەر نۇرسۇلتان ورىنباساروۆتىڭ ەڭبەگىنىڭ جەمىسى.

     

    باقىت جاقاش

    قىرعىزستان، وش وبلىسى

    پىكىر جازۋ

    Your email address will not be published. Required fields are marked *

    *