• Қазақ
  •   
  • Qazaq
  •   
  • قازاق
  •   
  • Рус
  •   

    الماتىدا سپورتتاعى جىلدىڭ ۇزدىكتەرى ماراپاتتالدى

    بۇگىن الماتى قالاسىندا قازاق سپورت جانە تۋريزم اكادەمياسى مەن «سپورت جۇلدىزدارى» رەسپۋبليكالىق جۋرنالىنىڭ ۇيىمداستىرۋىمەن «جىل ۇزدىكتەرى-2018» اتالىمىنىڭ جەڭىمپازدارى مەن «ماڭگىلىك ەلىم – قازاقستانىم» پاتريوتتىق اندەر فەستيۆالىنىڭ لاۋرەاتتارىن ماراپاتتاۋ سالتاناتى ءوتتى.

    وسىمەن ەكىنشى جىل قاتارىنان وتكەن شارانىڭ باستى ماقساتى – كوك تۋىمىزدى كوككە كوتەرىپ، الەمدىك سىنداردا مەرەيىمىزدى اسىرىپ جۇرگەن سپورتشىلار مەن سپورت جاناشىرلارىنىڭ اراسىنان ۇزدىكتەردى تاڭداپ، ولاردىڭ ەل ءۇشىن اتقارىپ جۇرگەن ەڭبەكتەرىن كوتەرمەلەۋ. ارينە، جىل سونىڭدا مادەنيەت جانە سپورت مينيسترلىگى، ۇلتتىق وليمپيادا كوميتەتى، ءاربىر وبلىس، اۋدان، قالا ءوز ۇزدىكتەرىن تاڭداپ، ماراپاتتاپ جاتادى. ال بۇل ماراپاتتىڭ ءجونى مۇلدەم بولەك. ءوز سالالارى بويىنشا ۇزدىك شىققان سپورت جاناشىرلارى مەن سپورتشىلاردى قازاق سپورتىنىڭ قارا شاڭىراعى – قازاق سپورت جانە تۋريزم اكادەمياسى مەن بارشا وتانداستارىمىز ءسۇيىپ وقيتىن «سپورت جۇلدىزدارى» رەسپۋبليكالىق جۋرنالىنىڭ وقىرماندارى تاڭدادى.

    سالتاناتتى شاراعا كەلگەن قۇرمەتتى قوناقتار اراسىندا قازاقتىڭ باتىرلارى داۋلەت تۇرلىقانوۆ، ەرماحان يبرايموۆ، قانات يسلام، «بەيبىتشىلىك الەمى» حالىقارالىق بىرلەستىگىنىڭ پرەزيدەنتى، گەنەرال-مايور ابەن نۇرمانوۆ، «الاش پرايد» پرەزيدەنتى دانيار قاسقاراۋوۆ، «رايىمبەك فايتەرس» كلۋبىنىڭ پرەزيدەنتى ازات قاتاۋباەۆ جانە ەرەجەسىز جەكپە-جەكتەن الەم چەمپيوندارى ارمان وسپانوۆ، ەرجان ەستانوۆ، ەرعالي ۋتجانوۆ پەن باسقا دا تانىمال ازاماتتار بولدى.

    سونىمەن قاتار شاراعا قازاق ەستراداسىنىڭ وكىلى وكتەم التاەۆ  قاتىسىپ، اسەم اننەن شاشۋ شاشتى.

    تاعى ءبىر جاعىمدى جاڭالىق قاڭتار ايىنان باستاپ قازاق اقپارات كەڭىستىگى تاعى ءبىر باسىلىممەن تولىعاتىن بولدى. جاڭادان جارىق كورەتىن «پرەزيدەنت جانە سپورت» جۋرنالىنىڭ باس رەداكتورى، قازاق سپورت جانە تۋريزم اكادەمياسىنىڭ قۇرمەتتى پروفەسسورى مۇساعالي تاسقاليەۆ «ەلباسى كۋرستاستارى» قوعامدىق قورىنىڭ الماتى قالاسى جانە الماتى وبلىسى بويىنشا فيليالىنىڭ ديرەكتورى گۇليا يمانوۆاعا اتالعان جۋرنالدىڭ شەف-رەداكتورى كۋالىگى مەن جۋرنال ليتسەنزياسىن تابىس ەتتى. بۇيىرسا گۇليا دوردىقىزىنىڭ باسشىلىعىمەن «پرەزيدەنت جانە سپورت» رەسپۋبليكالىق جۋرنالى ەلباسىمىزدىڭ ەل سپورتىنا جاساپ وتىرعان قولداۋى تۋرالى جازىپ، مەملەكەت باسشىسى مەن سپورتشىلار اراسىنا التىن كوپىر بولادى دەگەن ويدامىز.

     «جىل ۇزدىگى-2018» جەڭىمپازدارى:

    1. «ۇزدىك سپورتقا جاناشىر وبلىس اكىمى – 2018» جەڭىمپازى – قىزىلوردا وبلىسىنىڭ اكىمى – قىرىمبەك ەلەۋ ۇلى كوشەرباەۆ

    2. «ۇزدىك سپورتقا جاناشىر اۋدان اكىمى – 2018» جەڭىمپازى – جامبىل وبلىسى، قورداي اۋدانىنىڭ اكىمى – بولاتبەك بايقوڭىس ۇلى بايتولە

    3. «ۇزدىك سپورتقا جاناشىر قالا اكىمى – 2018» جەڭىمپازى — جاقسىلىق ومار (وسكەمەن قالاسىنىڭ اكىمى)

    4. «ۇزدىك سپورتقا جاناشىر ليتسەي – 2018» جەڭىمپازى – «ارىستان» مامانداندىرىلعان ليتسەيى. ديرەكتورى – زاپاستاعى گەنەرال-مايور، پەداگوگيكا عىلىمدارىنىڭ دوكتورى، دوتسەنت ءسابيت ساۋمەن ۇلى تاۋلانوۆ

    5. «ۇزدىك سپورتقا جاناشىر كوللەدج – 2018» جەڭىمپازى – تاراز «پاراسات» كوللەدجى. ديرەكتورى –باقىتگۇل سامۇراتقىزى يماندوسوۆا

    6. «ۇزدىك سپورتقا جاناشىر وقۋ-ساۋىقتىرۋ ورتالىعى – 2018» جەڭىمپازى – «بالداۋرەن» رەسپۋبليكالىق وقۋ-ساۋىقتىرۋ ورتالىعى. ديرەكتورى –مۇحيتدين بەكبولات ۇلى تولەپباي

    7. «ۇزدىك سپورت جاناشىرى – 2018» جەڭىمپازى بادەلحان كامالحان ۇلى (شىعىس قازاقستان وبلىسى، تارباعاتاي اۋدانى)

    8. «ۇزدىك سپورت جاناشىرى – 2018» جەڭىمپازى – سادىق شوڭمۇرىن ۇلى مۇستافاەۆ ( قازاقستان رەسپۋبليكاسى ءبىلىم جانە عىلىم مينيسترلىگى، ۇلتتىق عىلىمي-پراكتيكالىق دەنە تاربيەسى ورتالىعىنىڭ باس ديرەكتورى)

    9. «ۇزدىك سپورت جاناشىرى – 2018» جەڭىمپازى – ازيز داۆيدبەكوۆ (شىمكەنت قالاسى)

    10. «ۇزدىك ۇلتتىق قۇراما – 2018» جەڭىمپازى – وتىرىپ ويناۋ ۆولەيبولىنان قازاقستان رەسپۋبليكاسى ۇلتتىق قۇراما كومانداسى. باس جاتتىقتىرۋشى – باۋىرجان باقىت ۇلى تاحاۋوۆ

    11. «ۇزدىك وبلىستىق سپورت باسقارماسى – 2018» جەڭىمپازى – قىزىلوردا وبلىستىق دەنە شىنىقتىرۋ جانە سپورت باسقارماسى. باسشىسى – ولجاس ازات ۇلى اكيموۆ

    12. «ۇزدىك قالالىق سپورت باسقارماسى – 2018» جەڭىمپازى – شىمكەنت قالالىق سپورت باسقارماسى. باسشىسى –الىبەك نۇرباي ۇلى نۇرتاەۆ

    13. «ۇزدىك سپورت مەكتەبى – 2018» جەڭىمپازى – «جاس باتىر» ماڭعىستاۋ وبلىستىق مامانداندىرىلعان بالالار-جاسوسپىرىمدەر سپورت مەكتەبى. ديرەكتورى –ماناربەك جۇباتقان ۇلى بيسەكەنوۆ

    14. «ۇزدىك سپورت جاناشىرى – 2018» جەڭىمپازى – جۇماگەرەي دىنىشەۆ. ورال قالاسىنداعى «باتىس التىن ينە» ساۋىقتاندىرۋ كەشەنىنىڭ ديرەكتورى، قازاقستان حالىق ەمشىلەرى اسسوتسياتسياسىنىڭ اكادەميگى جانە پروفەسسورى، سپورتتىڭ بىرنەشە تۇرىنەن الەم چەمپيونى، التىن قولدى دارىگەر. سپورت پەن ونەر جاناشىرى.

    15. «ۇزدىك سپورت جاناشىرى – 2018» جەڭىمپازى – اديل گۋليەۆ. ورال قالاسىنداعى «اي-لۋنا» مەيرامحاناسىنىڭ ديرەكتورى. سپورت پەن ونەر جاناشىرى.

    16. «ۇزدىك دجيۋ-دجيتسۋ فەدەراتسياسى – 2018» جەڭىمپازى – اتىراۋ وبلىستىق دجيۋ-دجيتسۋ فەدەراتسياسى. پرەزيدەنتى –داۋرەن بيسەنباي ۇلى ۋشباەۆ

    17. «ۇزدىك سپورتشى – 2018» جەڭىمپازى – تىنىس بيساليەۆ. اتىراۋ قالاسى، دجيۋ-دجيتسۋدان ەرەسەكتەر اراسىندا الەم چەمپيونى جانە گرەپلينگتەن ارداگەرلەر اراسىندا الەم چەمپيونى. پانكراتيوننان ازيا چەمپيونى. تىنىس 40 جاسىندا ەرەسەكتەر اراسىندا الەمدىك شىڭدى باعىندىرعان ەلىمىزدەگى تۇڭعىش سپورتشى.

    18. «ۇزدىك جاتتىقتىرۋشى – 2018» جەڭىمپازى – ايبار ەسەنعاليەۆ (اتىراۋ قالاى) ايبار ماعزوم ۇلى تىنىس بيساليەۆتى الەمدىك دودالارعا دايىنداعانى ءۇشىن ەلىمىز بويىنشا ۇزدىكتەر قاتارىنان ورىن الىپ وتىر.

    19. «ۇزدىك ءباسپاسوز حاتشىسى – 2018» جەڭىمپازى –لاۋرا شوڭعالوۆا. قىزىلوردا وبلىستىق دەنە شىنىقتىرۋ جانە سپورت باسقارماسىنىڭ ءباسپاسوز حاتشىسى، «سپورت جۇلدىزدارى» رەسپۋبليكالىق جۋرنالىنىڭ قىزىلوردا وبلىسى بويىنشا مەنشىكتى ءتىلشىسى، قازاقستان جۋرناليستەر وداعىنىڭ مۇشەسى.

    20. «ۇزدىك پارادزيۋدو فەدەراتسياسى – 2018» جەڭىمپازى – اتىراۋ وبلىستىق پارادزيۋدو فەدەراتسياسى. پرەزيدەنتى — اسىلبەك مارات ۇلى ومىرزاقوۆ

    21. «ۇزدىك سپورت جاناشىرى – 2018» جەڭىمپازى – سامات باقتىعاليەۆ. (اتىراۋ وبلىسى، يساتاي اۋدانى)

    22. «ۇزدىك دويبى فەەدەراتسياسى – 2018» جەڭىمپازى – باتىس قازاقستان وبلىستىق دويبى فەدەراتسياسى. پرەزيدەنتى –جارقىن سەرىك ۇلى تاجىعاليەۆ

    23. «ۇزدىك سامبو فەەدەراتسياسى – 2018» جەڭىمپازى – باتىس قازاقستان وبلىسى سامبو فەدەراتسياسى. پرەزيدەنتى –تالعات اسقار ۇلى شايحيەۆ

    24. «ۇزدىك سپورت مەكتەبى – 2018» جەڭىمپازى. №2 قىزىلوردا وبلىستىق وليمپيادا رەزەرۆىنىڭ مامانداندىرىلعان بالالار-جاسوسپىرىمدەر مەكتەبى. ديرەكتورى –اسقار تانابەك ۇلى مەندياروۆ

    25. «ۇزدىك ارداگەر سپورتشى – 2018» جەڭىمپازى – ەربول قوڭىراتوۆ. گرەك-ريم كۇرەسىنەن ارداگەرلەر اراسىندا الەم چەمپيونى. ەرەسەكتەر اراسىندا ازيا چەمپيونى. وسكەمەن قالاسى ويىن تۇرلەرى بويىنشا بالالار-جاسوسپىرىمدەر سپورت مەكتەبىنىڭ ديرەكتورى.

    26. «ۇزدىك پارادزيۋدو جاتتىقتىرۋشىسى – 2018» جەڭىمپازى – جاندوس قيانوۆ. پارادزيۋدودان قازاقستان ۇلتتىق قۇراماسىنىڭ باس باپكەرى.

    27. «ۇزدىك قالالىق سپورت ادىسكەرى – 2018» جەڭىمپازى – وراز عازەز ۇلى داركەنوۆ (ارقالىق قالالىق ءبىلىم ءبولىمىنىڭ ادىسكەرى)

    28. «ۇزدىك اۋداندىق سپورت ادىسكەرى – 2018» جەڭىمپازى –قايرات ءپايىز ۇلى ورالبەكوۆ (قىزىلوردا وبلىسى، جاڭاقورعان اۋداندىق ءبىلىم ءبولىمىنىڭ ادىسكەرى)

    29. «ۇزدىك سپورتقا جاناشىر مەكتەپ – 2018» جەڭىمپازى — №89 قارابۇلاق ورتا مەكتەبى. سايرام اۋدانى. تۇركىستان وبلىسى. ديرەكتورى — سايمۋرات سايدازيم ۇلى ابدۋراحمانوۆ

    30. «ۇزدىك دەنە شىنىقتىرۋ ءپانى مۇعالىمى – 2018» جەڭىمپازى –ايبەك حالمات ۇلى تاشمەتوۆ. تۇركىستان وبلىسى، سايرام اۋدانى، №89 قارابۇلاق ورتا مەكتەبىنىڭ دەنە شىنىقتىرۋ ءپانى مۇعالىمى. ول شاكىرتتەرىنىڭ رەسپۋبليكالىق «بىلعارى دوپ» دوداسىندا جەڭىمپاز اتانعانى ءۇشىن ماراپاتتالدى.

    31. «ۇزدىك دەنە شىنىقتىرۋ ءپانى – 2018» جەڭىمپازى – ءبىرجان جولدىباي ۇلى يمانباەۆ. ول پارادزيۋدودان شىققان تۇڭعىش الەم چەميونى ولجاس ورازالى ۇلىنىڭ العاشقى باپكەرى بولعانى ءۇشىن جەڭىمپاز اتاندى.

    32. «ۇزدىك كاراتە-دو فەدەراتسياسى – 2018» جەڭىمپازى – اتىراۋ وبلىستىق سپورتتىق جانە ءداستۇرلى كاراتە-دو فەدەراتسياسى. پرەزيدەنتى – ەرلان تابىلديەۆ

    33. «ۇزدىك سپورت جاناشىرى – 2018» جەڭىمپازى – نۇرجان ەدىلوۆ. بوكستان جاتتىقتىرۋشى بولىپ ەڭبەك ەتەتىن نۇرجان ءوز قاراجاتىنا ماڭعىستاۋ وبلىسى، جاڭاوزەن قالاسىندا ەكى قاباتتى سپورت كەشەنىڭ سالىپ، اۋىل سپورتىنىڭ دامۋىنا ەلەۋلى ۇلەس قوسقانى ءۇشىن جەڭىمپاز اتاعىن الدى.

    34. «ۇزدىك سپورتشى – 2018» جەڭىمپازى – نۇربول سەرىكوۆ (سامبو كۇرەسىنەن ەرەسەكتەر اراسىندا الەم چەمپيونى. ورال قالاسى)

    35. «ۇزدىك پارادزيۋدوشى – 2018» جەڭىمپازى – داۋلەت تەمىرجان (الەم كۋبوگى مەن پاراازيادا ويىندارىنىڭ جۇلدەگەرى، اتىراۋ وبلىسى)

    36. «ۇزدىك سپورتشى – 2018» جەڭىمپازى – ايدارحان نۇرداۋلەت (قول كۇرەسىنەن 4 دۇركىن الەم چەمپيونى، 5 دۇركىن ازيا چەمپيونى، 6 دۇركىن قازاقستان چەمپيونى. تۇركىستان وبلىسى، شاردارا اۋدانى)

    37. «ۇزدىك جاتتىقتىرۋشى – 2018» جەڭىمپازى – نۇرجان تۇراقۇلوۆ (قول كۇرەسىنەن قازاقستانعا ەڭبەك سىڭىرگەن جاتتىقتىرۋشى، 2018 جىلى تۇركيادا وتكەن الەم چەمپيوناتىندا 5 الەم چەمپيونىن دايىنداعانى ءۇشىن جەڭىمپاز اتاعىن يەلەندى)

    38.«ۇزدىك جاس سپورتشى – 2018» جەڭىمپازى – ءابىلمانسۇر باتىرعالي كاراتە-دو سپورتىنان تۇڭعىش جاسوسپىرىمدەر وليمپياداسىنىڭ جۇلدەگەرى، اتىراۋ وبلىسى. «قايسار» سپورت كلۋبىنىڭ سپورتشىسى

    39. «ۇزدىك باپكەر – 2018» جەڭىمپازى – بولات ىزباسقانوۆ كاراتە-دو سپورتىنان تۇڭعىش جاسوسپىرىمدەر وليمپياداسىنىڭ جۇلدەگەرى ءابىلمانسۇر باتىرعاليدى دايىنداعانى ءۇشىن ماراپاتتالدى.

    40. «ۇزدىك ارداگەر سپورتشى – 2018» جەڭىمپازى – ەربول قوڭىراتوۆ (وسكەمەن قالالىق ويىن تۇرلەرى سپورت مەكتەبىنىڭ ديرەكتورى، گرەك-ريم كۇرەسىنەن ارداگەرلەر اراسىندا الەم چەمپيونى)

    سونىمەن قاتار «سپورت جۇلدىزدارى» جۋرنالىنىڭ تىلشىلەرى ساعىمباەۆ بولاتبەك پەن ەركىن باقتياروۆتار حالىقارالىق جۋرناليستەر وداعىنىڭ مۇشەسى كۋالىگىنە يە بولدى.

    ماراپاتتارىڭىز ماراپاتقا ۇلاسسىن! ارقاشان ۇزدىكتەر قاتارىنان تابىلىپ، ەل ءۇشىن ەڭبەك ەتە بەرىڭىزدەر! جەڭىستى كۇندەرىمىز كوپ بولسىن! قازاق سپورتى جاساسىن!

     

    جاندوس ايانبەك ۇلى،

    اقتوبە

    پىكىر جازۋ

    Your email address will not be published. Required fields are marked *

    *