Semeıde sambodan el chempıonatyna joldama berildi

Semeı qalasynda sambo kúresinen erler men áıelder arasynda, jaýyngerlik sambo kúresinen erler arasynda Shyǵys Qazaqstan oblysynyń chempıonaty ótti, dep habarlady Semeı sport akademııasynyń baspasóz qyzmeti.

Shyǵys óńirinde sambo kúresinen ótetin jarystardyń negizgi uıymdastyrýshylary – Semeı qalasy boıynsha №1 Shyǵys Qazaqstan oblystyq Olımpıadaǵa rezervti daıyndaıtyn mamandandyrylǵan balalar jáne jasóspirimder sport mektebi (Semeı sport akademııasy) men Shyǵys Qazaqstan oblystyq «Sporttyq jáne jaýyngerlik sambo» federaııasy» qoǵamdyq birlestigi.

Bul joly da qos ujym bilgeninen jańylmady. Jyldaǵy dástúr boıynsha jarysty jaqsy ótkizdi. 160-qa jýyq sambo sheberiniń basyn qosqan dodada erler men áıelder 9 salmaqta baqtaryn synasa, jaýyngerlik samboǵa saılanyp kelgender de osy salmaqtarda synǵa tústi. Aıta keteıik, oblystyq chempıonat Shyǵys Qazaqstan oblystyq dene shynyqtyrý jáne sport basqarmasynyń kúntizbelik josparyna saı ótkizilip otyr. Úrjar, Aıagóz, Tarbaǵataı, Kókpekti, Abaı aýdandary, Kýrchatov pen О́skemen jáne Semeı qalalarynan jınalǵan balýandar boz kilemde aıla-tásilderi, shalt qımyldary, shapshań ádisterimen jeńiske jetýdiń jolyn izdedi. О́ıtkeni, bul beldesýde birinshi jáne ekinshi oryn alǵan sportshylar el chempıonatyna joldama alady. El chempıonaty buıyrsa 4-8 sáýir kúnderi Semeıde ótedi dep josparlanýda.

–Jarystyń deńgeıiniń jyl sanap ósip kele jatqany qýantady. Oǵan balýandardyń tyńǵylyqty daıyndaǵy dálel bola alady. Jalpy, Semeı qalasynda sambo kúresi jaqsy damyp keledi. Oblystyq jarystyń ózine Semeı qalasy boıynsha №1 Shyǵys Qazaqstan oblystyq Olımpıadaǵa rezervti daıyndaıtyn mamandandyrylǵan balalar jáne jasóspirimder sport mektebi, Joǵarǵy sport sheberlik mektebi, Sport kolledji, Qazaq jekpe-jek federaııasy, «Shyǵys» óńirlik áskerı qolbasshylyǵyna qarasty armııashylardyń ortalyq sport klýbynyń sportshylary qatysyp otyr. Oǵan sambo kúresi qarqyndy damyǵan aýdandardy qosyńyz. Bul ishki básekelestiktiń artyp kele jatqanyn kórsetedi. Básekelistik bar jerde nátıje de bolady Al nátıje bar jerde jeńistiń bıik tuǵyry tur, – deıdi sambo kúresinen Shyǵys Qazaqstan oblysy boıynsha aǵa jattyqtyrýshysy ári jarystyń bas tóreshisi Birjan Imahanov.

Sonymen oblys birinshiliginde Semeı qalasy boıynsha №1 Shyǵys Qazaqstan oblystyq Olımpıadaǵa rezervti daıyndaıtyn mamandandyrylǵan balalar jáne jasóspirimder sport mektebi, ıaǵnı Semeı sport akademııasynyń samboshylarynyń mereıleri ústem boldy. Erler arasynda 9 salmaqtyń 8-inde akademııa sportshylary top jardy. Tipti birqatar salmaqtarda sport akademııasynyń samboshylary fınaldyq básekede beldesip jatty. Endi fınalda beldesken balýandar kóktemde oblystyń namysyn abyroımen qorǵaıtynyna senim mol.

SEMEI