SportPress.kz Qazaqstan sport jańalyqtary
Semeı sport akademııasynyń shákirti Erasyl Qajybaev Marokkonyń Marakkesh qalasynda dzıýdodan ótip jatqan Gran Prı jarysynyń kúmis júldegeri atandy, dep habarlady Semeı sport akademııasynyń baspasóz qyzmeti.
Erasyl fınalǵa deıin alqynbaı jetip, fınaldyq beldesýde germanııalyq Sven Heınlıge ese jiberip aldy. Ras, kúmis júldeni de qomsynyp otyrǵanymyz joq. Erasyldyń jeńisti kúnderi alda dep bilemiz. Qajybaev el namysyn abyroımen qorǵap júrse, ol bapkerdiń eńbegi. Bul rette Semeı sport akademııasynyń dırektory Mereıǵaly Kóshkinov, dzıýdo bóliminiń aǵa jattyqtyrýshysy, Erasyldyń Semeıdegi jeke bapkeri Erjan Jantasovtyń eńbegi zor dep bilemiz.
Aıta keteıik, taǵy bir dzıýdoshy Erlan Serikjanov dál osy jarysta 66 kıloǵa deıingi salmaqta beldesip, qola júldeni qorjynǵa salǵan bolatyn. Jalpy, Qazaqstan quramasy Marokkoda ótken Gran Prı jarysyn 1 kúmis, 1 qola júldemen aıaqtady.
