• Қазақ
  •   
  • Qazaq
  •   
  • قازاق
  •   
  • Рус
  •   

    Almatydaǵy oqý ordasynda Otbasy kúni ótti

    Birikken Ulttar Uıymynyń Bas Assambleıasynyń jarııalaýymen  1993 jyldan bastap 15 mamyrdy «Halyqaralyq otbasy kúni» dep atalyp keledi. Negizgi múdde qalyń jurtshylyqty otbasy máselesine qaratýdy kózdegen. «Otan otbasynan bastalady», desek otbasy qundylyqtaryna nazar aýdardyń máni zor dep bilemiz. Sondyqtan da «Halyqaralyq otbasy kúni» elimizde úlken qoldaýmen merekelik kóńil-kúıde atalyp ótti.

    Aıtýly otbasylyq mereke Karken Ahmetov atyndaǵy Olımpıada rezerviniń  respýblıkalyq mamandandyrylyǵan mektep-ınternat kolledjiniń qabyrǵasynda joǵary deńgeıdi uıymdastyryldy. Otbasyndaǵy qarym-qatynas týraly túsinik berý, baqytty januıanyń jańa modelin daıyndaý, otbasy, oshaq qasynda adamgershilikke, ınabattylyqqa, yntymaq pen birlikke, tatýlyq pen uıymshyldyqqa tárbıeleý. Úlkenge izet, kishige qurmet kórsetý, otbasynyń birligin saqtap, januıanyń maqtany bolýǵa tárbıeleý maqsatynda ótken bul merekelik sharaǵa qatysýshylar úlken áser aldy deýge bolady.

    Mektep dırektory Seıilhan Baqtyǵalıuly Qaraqovtyń tikeleı qoldaý, kómegimen ótken bul sharada mektep oqýshylary «Meniń otbasym», «Meniń otbasymnyń dástúrleri» taqyrybynda shyǵarmalyq baıqaýlar ótkizilip, marafondyq jarystar  sport oıyndary jalǵasyn tapty. Bala-shaǵasymen jarys jolyna túsip júgirgen januıalar, máre syzyǵyn kóptiń aldy bolyp kesip ótý úshin baryn saldy.

    Jarys sońynda júldegerler men jeńimpazdar qurmet gromatolarymen marapattaldy. Sonymen qatar, bul kúni sharanyń joǵary deńgeıde ótýine  dırektordyń sport isi jónindegi orynbasary Danara Qabdenova men dırektordyń tárbıe isi jónindegi orynbasary Álııa Imanbaevalar da  barynsha belsene atsalysty. Biz ómirdiń bitpes qý tirligimen keıde januıamyzdy umytyp,  sharýa qamyn qýalap ketip jatamyz. Al, otbasy bizdiń ómirimizdiń negizgi tiregi. Ony bir mezet esten shyǵarmaǵanymyz lázim.  Sondyqtan da januıanyń yntymaq berekesin uıytyp otyrý úshin ár sátte birge bolyp, qýanysh qaıǵyny birge bólisip, jıi tabıǵat aıasyna shyǵyp, birge sporttyq sharalarǵa qatysyp otyrýdyń baǵasy erekshe. Otbasyndaǵy birlik-yntymaq ómirińniń jaqsara túsýine yqpal beredi. Ata-ana balasynyń jarqyn bolashaǵyn shyr etip dúnıege kelgennen bastap oılaýy kerek. «Uıada ne kórseń ushqanda sony ilesiń» degen ataly sóz bar. Sondyqtan da «Halyqaralyq otbasy kúni» oraı, uıymdastyrylatyn sharalar jaóspirimderdiń bolashaǵyna jarqyn jol dep bilemiz.

     

    Aqyn ORDABAIULY,

    ALMATY

     

     

    Pikir jazý

    Your email address will not be published. Required fields are marked *

    *