الماتىداعى وقۋ ورداسىندا وتباسى كۇنى ءوتتى

بىرىككەن ۇلتتار ۇيىمىنىڭ باس اسسامبلەياسىنىڭ جاريالاۋىمەن  1993 جىلدان باستاپ 15 مامىردى «حالىقارالىق وتباسى كۇنى» دەپ اتالىپ كەلەدى. نەگىزگى مۇددە قالىڭ جۇرتشىلىقتى وتباسى ماسەلەسىنە قاراتۋدى كوزدەگەن. «وتان وتباسىنان باستالادى»، دەسەك وتباسى قۇندىلىقتارىنا نازار اۋداردىڭ ءمانى زور دەپ بىلەمىز. سوندىقتان دا «حالىقارالىق وتباسى كۇنى» ەلىمىزدە ۇلكەن قولداۋمەن مەرەكەلىك كوڭىل-كۇيدە اتالىپ ءوتتى.

ايتۋلى وتباسىلىق مەرەكە كاركەن احمەتوۆ اتىنداعى وليمپيادا رەزەرۆىنىڭ  رەسپۋبليكالىق مامانداندىرىلىعان مەكتەپ-ينتەرنات كوللەدجىنىڭ قابىرعاسىندا جوعارى دەڭگەيدى ۇيىمداستىرىلدى. وتباسىنداعى قارىم-قاتىناس تۋرالى تۇسىنىك بەرۋ، باقىتتى جانۇيانىڭ جاڭا مودەلىن دايىنداۋ، وتباسى، وشاق قاسىندا ادامگەرشىلىككە، يناباتتىلىققا، ىنتىماق پەن بىرلىككە، تاتۋلىق پەن ۇيىمشىلدىققا تاربيەلەۋ. ۇلكەنگە ىزەت، كىشىگە قۇرمەت كورسەتۋ، وتباسىنىڭ بىرلىگىن ساقتاپ، جانۇيانىڭ ماقتانى بولۋعا تاربيەلەۋ ماقساتىندا وتكەن بۇل مەرەكەلىك شاراعا قاتىسۋشىلار ۇلكەن اسەر الدى دەۋگە بولادى.

مەكتەپ ديرەكتورى سەيىلحان باقتىعالي ۇلى قاراقوۆتىڭ تىكەلەي قولداۋ، كومەگىمەن وتكەن بۇل شارادا مەكتەپ وقۋشىلارى «مەنىڭ وتباسىم»، «مەنىڭ وتباسىمنىڭ داستۇرلەرى» تاقىرىبىندا شىعارمالىق بايقاۋلار وتكىزىلىپ، مارافوندىق جارىستار  سپورت ويىندارى جالعاسىن تاپتى. بالا-شاعاسىمەن جارىس جولىنا ءتۇسىپ جۇگىرگەن جانۇيالار، مارە سىزىعىن كوپتىڭ الدى بولىپ كەسىپ ءوتۋ ءۇشىن بارىن سالدى.

جارىس سوڭىندا جۇلدەگەرلەر مەن جەڭىمپازدار قۇرمەت گروماتولارىمەن ماراپاتتالدى. سونىمەن قاتار، بۇل كۇنى شارانىڭ جوعارى دەڭگەيدە وتۋىنە  ديرەكتوردىڭ سپورت ءىسى جونىندەگى ورىنباسارى دانارا قابدەنوۆا مەن ديرەكتوردىڭ تاربيە ءىسى جونىندەگى ورىنباسارى ءاليا يمانباەۆالار دا  بارىنشا بەلسەنە اتسالىستى. ءبىز ءومىردىڭ بىتپەس قۋ تىرلىگىمەن كەيدە جانۇيامىزدى ۇمىتىپ،  شارۋا قامىن قۋالاپ كەتىپ جاتامىز. ال، وتباسى ءبىزدىڭ ءومىرىمىزدىڭ نەگىزگى تىرەگى. ونى ءبىر مەزەت ەستەن شىعارماعانىمىز ءلازىم.  سوندىقتان دا جانۇيانىڭ ىنتىماق بەرەكەسىن ۇيىتىپ وتىرۋ ءۇشىن ءار ساتتە بىرگە بولىپ، قۋانىش قايعىنى بىرگە ءبولىسىپ، ءجيى تابيعات اياسىنا شىعىپ، بىرگە سپورتتىق شارالارعا قاتىسىپ وتىرۋدىڭ باعاسى ەرەكشە. وتباسىنداعى بىرلىك-ىنتىماق ءومىرىڭنىڭ جاقسارا تۇسۋىنە ىقپال بەرەدى. اتا-انا بالاسىنىڭ جارقىن بولاشاعىن شىر ەتىپ دۇنيەگە كەلگەننەن باستاپ ويلاۋى كەرەك. «ۇيادا نە كورسەڭ ۇشقاندا سونى ىلەسىڭ» دەگەن اتالى ءسوز بار. سوندىقتان دا «حالىقارالىق وتباسى كۇنى» وراي، ۇيىمداستىرىلاتىن شارالار جاوسپىرىمدەردىڭ بولاشاعىنا جارقىن جول دەپ بىلەمىز.

اقىن ورداباي ۇلى،

الماتى