Almatyda chempıondar ustahanasy oqýshylarǵa esigin ashty

Elimizde 1-qyrkúıek kúni alǵashqy qońyraý soǵylyp, balalar jańa oqý jylyna qadam basatyny dástúrge aınalǵan.  Osylaısha búgin Almatydaǵy Kərken Ahmetov atyndaǵy Olımpıada rezerviniń respýblıkalyq mamandandyrylǵan mektep-ınternat-kolledjiniń shańyraǵy da  bilim nárinen sýsyndaıtyn jasóspirim oqýshylaryna esigin aıqara ashty.

Oqý jylynyń bastalýyna arnalǵan jıynǵa sap túzegen oqýshylar, synypatastarymen  qaýyshyp, jaz boıy jıǵan áńgimelerin aıtyp taýysa almaýda.  Sportty da bir uly óner  dep qarasaq, oqý men sportty birge alyp júretin jas qyrandar úshin jyl on eki aı bir sátte bosańsymaý kerek. О́ıtkeni, Qazaqstannyń namysyn halyqaralyq jarystarda abyroımen qorǵaıtyn talantty sportshylarymyzdyń kópshiligi osy kıeli shańyraqtan qanattaryn qamdap ushyp shyǵyp jatyr desek artyq bolmas. Sondyqtan da bul mektepte oqıtyn daryndy jastarǵa artylar jaýapkershilik óte joǵary.

Alǵashqy qońyrýda sóz alǵan aıtýly mektep-ınternat kolledji dırektorynyń  orynbasarlary Danara Baıdosova men Janna Baıdýllaeva keler jyl tórt jylda bir keletin dúbirli Olımpıada oıyndary ótetin erekshe jyl ekenin tilge tıek etip, jasóspirimderge oqýda úzdik, sportta alda bolýlaryn tiledi. Aıtýly mektep-ınternattyń dırektory Seıilhan Baqtyǵalıuly Qaraqov qazir Japonııada ótip jatqan álem chempıonatynda el namysyn qorǵap jatqan balýandarymyzǵa qoldaý-qoshemet kórsetip júr eken. Sol shetelde júrgen bilikti basshy óziniń oqýshylaryna habarlasyp, sálemin jetikizipti. Ol sálemdemede «Jańa oqý jylynda bilim nárimen sýsyndap, otansúıgishtik rýhta aqyldy azamat bolyp, Qazaqstannyń namysyn abyroımen qorǵaıtyn sport sańlaqtary bolyp shyǵýyna tilekshi ekenin joldap jibergen eken.

Jıyn barysynda jyl boıy jaqsy kórsetkishtermen kózge ilingen úzdik oqýshylar qurmetpen marapattaldy. Kim bilsin, osy mektepke bıyl ǵana oqýǵa túsip, alǵashqy oqý jylyna aıaq basqaly otyrǵan talantty ul-qyzdardyń arasynda álem, Olımpıada bıigin baǵyndyrar daraboz sportshylar júrgen bolar. Degenmen de aldyńǵy tolqyndy aǵalarynyń salyp ketken sara joldary osy yntaly balalarymyzǵa juǵysty bolsa eken dep tileımiz. Mysaly, jaqynda ǵana  Japonııada dzıýdodan ótip jatqan álem chempıonatynda qola júldeni jeńip ápergen aty elimizge málim talantty balýan Eldos Smetov osy Karken Ahmetov atyndaǵy Olımpıada rezerviniń respýblıkalyq mamandandyrylǵan mektep-ınternat kolledjiniń túlegi. Sondyqtan da osyndaı respýblıkamyzdaǵy shoqtyǵy joǵary turǵan osyndaı beldi oqý oryndarynyń tabyldyryǵyn attaǵan bolashaq jasóspirim talanttar úshin zor mártebe ekeni belgili.

«Ustazy myqtynyń ustamy myqty», demekshi,  bul mektep-ınternat kolledjde dáris beretin ustaz-jattyqtyrýshylardyń da talapqa saı deńgeıleri óte joǵary. Tarydaı bolyp kirip, taýdaı bolyp shyǵatyn oqýshylardyń alar asqar bıigi áli alda. Endeshe, jasóspirimderge aqjol desek oń bolar.

Aqyn ORDABAIULY,

ALMATY