• Қазақ
  •   
  • Qazaq
  •   
  • قازاق
  •   
  • Рус
  •   

    Atameken Rústemov — memlekettik jattyqtyrýshy

    Keshe Sport jáne deneshynyqtyrý isteri komıtetiniń tóraǵasy Serik Sápıevtiń buıryǵymen buǵan deıin kókpardan Qazaqstannyń jastar qurama komandasynyń bas jattyqtyrýshysy bolǵan Atameken Rústemov «Sportty damytý dırekııasy» RMQK ulttyq at sporty túrlerinen memlekettik jattyqtyrýshy qyzmetine taǵaıyndaldy, dep habarlady Qazaqstan ulttyq sport qaýymdastyǵy.

    Kókpardan jáne aýdaryspaqtan «Qazaqstan Respýblıkasynyń sport sheberi», kókpardan «Qazaqstan Respýblıkasynyń eńbek sińirgen sport sheberi» atanyp, Jambyl oblystyq kókpar federaııasynyń vıe-prezıdenti, kókpardan jastar qurama komandasynyń bas bapkeri qyzmetterin atqaryp kelgen Atameken Rústemovti atalmysh laýazymǵa Ulttyq sport qaýymdastyǵynyń basshylyǵy usynǵan bolatyn.

    Atameken Rústemov – 1984 jyly 22 qarashada Jambyl oblysy, Jambyl aýdany, Aısha bıbi aýylynda týǵan. Atameken Nábıulynyń eńbek jolyn yqshamdaı aıtyp ótsek, ol  2002-2004 jyldar aralyǵynda Jambyl oblysy kókpar komandasynyń kókparshysy, 2004-2008 jyldar aralyǵynda Jambyl oblysy ákimdiginiń dene shynyqtyrý jáne sport basqarmasynyń «Áýlıe-Ata» kókpar klýbynda  kókparshy-nusqaýshysy, 2008-2018 jyldar aralyǵynda Jambyl oblysy ákimdiginiń dene shynyqtyrý jáne sport basqarmasy «Ulttyq sport túrlerinen «Áýlıe-Ata» kásipqoı klýbynda sportshy qyzmetin atqarǵan.

    Atameken Nábıuly – 2018 jyldyń tamyz aıynan bastap  kókpar sportynan jastar qurama komandasynyń bas jattyqtyrýshysy boldy. Ulttyq sport qaýymdastyǵy ótkizgen kókpardan respýblıkalyq, halyqaralyq jarystardyń uıymdastyrylýyna belsene úles qosty. Ásirese, jastar komandalarymen oqý-jattyǵý jıyndaryn ótkizýde,   uıymdastyrýda óziniń mol tájirıbesi baryn dáleldeı bildi.  Atap aıtqanda, kókpar sportynan jastar arasynda 2018 jyly 20-27 tamyz aralyǵynda Petropavlda   ótken Qazaqstan chempıonatynda, «Uly dala rýhy» respýblıkalyq festıvalinde,  2019 jylǵy 14-22 naýryzda Qyzylordada el chempıonatynda A.Rústemovtiń shákirtteri joǵary nátıjeler kórsetti. Sondaı-aq, 2019 jyldyń 16-22 sáýirinde Almaty oblysynda ótken kókpardan jastar arasynda I Azııa chempıonatynda Atameken Nábıuly jattyqtyrǵan Qazaqstan qurama komandasynyń shabandozdary birinshi oryndy ıelenip, Azııa chempıony atandy.

     

     

     

    Pikir jazý

    Your email address will not be published. Required fields are marked *

    *