SportPress.kz Qazaqstan sport jańalyqtary
«Astana» klýbynyń Chempıondar lıgasyndaǵy alǵashqy qarsylasy belgili boldy. Jerebe tartý rásimi Shveıarııanyń Non qalasynda ÝEFA-nyń shtab-páterinde ótti. Elordalyq komanda jarysty ekinshi irikteý kezeńinen bastaıdy. Bul joly olar Latvııanyń «Spartak» ujymymen kezdesetin boldy.
Qos komanda arasyndaǵy alǵashqy kezdesý 11 nemese 12 shildede, al qarymta kezdesý araǵa bir apta salyp ótedi. «Astana» osymen úshinshi maýsym qatarynan Chempıondar lıgasyna qatysaıyn dep otyr. 2015/2016 maýsymynda irikteý syndarynan sátti ótip, toptyq kezeńge joldama alǵan.
Aıta keteıik, «Astana» Chempıondar lıgasynyń toptyq kezeńine qatysqan ázirge jalǵyz qazaqstandyq klýb.
Sonymen qatar, búgin Astana ýaqyty boıynsha 17:00-de Eýropa lıgasynyń irikteý kezeńine arnalǵan jerebe tartylady. Bul ýaqytta «Qaırat» (Almaty), «Ertis» (Pavlodar) jáne «Ordabasy» (Shymkent) klýbtarynyń qarsylastary belgili bolady.
