«استانانىڭ» چەمپيوندار ليگاسىنداعى قارسىلاسى انىقتالدى

«استانا» كلۋبىنىڭ چەمپيوندار ليگاسىنداعى العاشقى قارسىلاسى بەلگىلى بولدى. جەرەبە تارتۋ ءراسىمى شۆەيتساريانىڭ نون قالاسىندا ۋەفا-نىڭ شتاب-پاتەرىندە ءوتتى. ەلوردالىق كوماندا جارىستى ەكىنشى ىرىكتەۋ كەزەڭىنەن باستايدى. بۇل جولى ولار لاتۆيانىڭ «سپارتاك» ۇجىمىمەن كەزدەسەتىن بولدى.

قوس كوماندا اراسىنداعى العاشقى كەزدەسۋ 11 نەمەسە 12 شىلدەدە، ال قارىمتا كەزدەسۋ اراعا ءبىر اپتا سالىپ وتەدى. «استانا» وسىمەن ءۇشىنشى ماۋسىم قاتارىنان چەمپيوندار ليگاسىنا قاتىسايىن دەپ وتىر. 2015/2016 ماۋسىمىندا ىرىكتەۋ سىندارىنان ءساتتى ءوتىپ، توپتىق كەزەڭگە جولداما العان.

ايتا كەتەيىك، «استانا» چەمپيوندار ليگاسىنىڭ توپتىق كەزەڭىنە قاتىسقان ازىرگە جالعىز قازاقستاندىق كلۋب.

سونىمەن قاتار، بۇگىن استانا ۋاقىتى بويىنشا 17:00-دە ەۋروپا ليگاسىنىڭ ىرىكتەۋ كەزەڭىنە ارنالعان جەرەبە تارتىلادى. بۇل ۋاقىتتا «قايرات» (الماتى)، «ەرتىس» (پاۆلودار) جانە «ورداباسى» (شىمكەنت) كلۋبتارىنىڭ قارسىلاستارى بەلگىلى بولادى.