SportPress.kz Qazaqstan sport jańalyqtary
Almatydaǵy M.Gorkıı atyndaǵy Ortalyq mádenıet jáne demalys saıabaǵyndaǵy «Spartak» stadıonynda shaǵyn fýtboldan joǵary oqý oryndary arasynda Abaı atyndaǵy Qazaq Ulttyq pedagogıkalyq ýnıversıtetinde 26 jyl rektor bolǵan, tarıh ǵylymdarynyń doktory, professor, QR ǵylym men tehnıka salasyna eńbegi sińgen qaıratker, QR Ulttyq ǵylym akademııasynyń akademıgi Toqmuhamet Sálmenuly Sadyqovty eske alýaǵa arnalǵan jarys ótti. Sonymen birge taǵy bir jar salap jarııa eter jańalyq, «Spartak» stadıony Muhtar Áýezovtiń atymen atalatyn boldy.
Abaı atyndaǵy Qazaq Ulttyq pedagogıkalyq ýnıversıtetiniń uıytqy bolýymen kóp jyldar boıy ótkizilip kele jatqan aıtýly dop dodasy stýdentterdiń fýtbolǵa degen qulshynysyn damytý jolyndaǵy dástúrli jarystyń birine aınalǵan. «Deni saýdyń jany saý», demekshi joǵary oqý oryndarynda deni saý urpaq tárıbeleý egemendi elimiz úshin mańyzy zor dep bilemiz. Sondyqtan da Sadyqtovty eske alýǵa arnalǵan týrnırdi uıymdastyrýshylardyń negizi maqsaty – jastardy sport arqyly baýlap, salaýatty ómir saltyn qalyptastyrý.
Bıylǵy jarysqa qatysýǵa Almaty qalasy boıynsha onǵa jýyq joǵary oqý oryndarynyń komandalary saılanyp kelgen eken. Oıyn alańyna shyqqan jalyndy jastar jeńis úshin bar sheberlikterin saldy. Kóp jyldyq tarıhy bar stadıonda kezinde qanshama dúbirli jarystar ótti deseńshi. Degenmen de «elý jylda el jańa», demekshi, jańa zaman aǵymyna saı jańarý, órleý, órkendeý ol ýaqyttyń basty talaby. Bul stadıon Abaı atyndaǵy Qazaq Ulttyq pedagogıkalyq ýnıversıtettiń qaramaǵynda bolǵandyqtan, aıtýly oqý ornynyń stýdentteri osy sport alańynda dene shynyqtýrý jáne sport sabaqtaryn ótkizedi. Jyldar boıy ýaqyty jetip tozyǵy kelgen bul stadıon, bıyl bilim ordasy ujymynyń belsendi jumysynyń nátıjesinde kúrdeli jóndeýden ótip, tamasha kóriniske ıe bolǵan eken. Osyndaı jańa kúıge engen jańarǵan jańa alańǵa jańa at berýdi de durys dep bilgen Abaı atyndaǵy QUP ýnıversıtetiniń basshylyq ujymy qazaqtyń aty áıgili jazýshysy Muhtar Áýezovtyń esimin berýdi jón sanaǵan eken. Iá, aqıyq jazýshynyń esimin berý de jaıdan-jaı emes. О́ıtkeni, aty qazaq qana emes álem ádebıetine belgili jazýshy Muhtar Áýezov jas kezinde ıaǵnı, 1914 jyldary Semeıde tuńǵysh ret qurylǵan «Iarysh» fýtbol komandasynyń quramynda oınaǵanyn bireý bilse bireý bilmes. Sonymen qatar QUP ýnıversıteti uly Abaıdyń esimimen atalatyn bolsa, aqyndy álemge tanytqan Muhtar Áýezov ekenin jaqsy bilemiz. Sondyqtan da bul stadıonǵa jańadan berilgen Muhtar Áýezovtiń esimin úlken qýanyshpen maqtana aıtýǵa laıyqty ekenin súıinshilep aıtamyz. Mundaıda «Qýan qazaq, qýana ber», desek jaraspaı ma.
Sonymen, aıtýly jarystyń fınaldyq oıyndarynda topjaryp shyqqan komandalar da belgili bolyp, jańa esimge ıe bolǵan sý jańa stadıonda qurmetpen marpattaldy. Birinshi oryndy Turan ýnıversıteti jeńip aldy. Ekinshi kúmis júlde alań ıeleri Abaı atyndaǵy Qaz UPÝ tabys etilse, jarystyń qola júldesine Súleımen Demırel atyndaǵy ýnıversıtettiń komandasy ıe boldy.
Al týrnırdiń eń úzdik qaqpashysy ataǵyna ıe bolǵan Abaı atyndaǵy Qaz UPÝ oıynshysy Erlan Qoıshybaı qurmetti marapatty ataqty qaqpashy Quralbek Ordabaevtyń qolynan aldy. Jarys sońynda júldegerler qomaqty qarjylaı jáne baǵaly syılyqtarmen marapattaldy. Bul jarys dástúrli sıpat alǵan soń, keler jyly dál osy sý jańa fýtbol alańynda jalǵasyn tabatyn bolady.
Amantaı QARAQOV,
Mıra IRALINA,
Sálıma ÁJIBAEVA
ALMATY
