Bekzatym-aı!!!

in Basty taqyryp, Boks, Esimi el esinde 04.04.2020 0 317 ret oqyldy

…SIDNEI OLIMPIADASY búgingideı kóz aldymda!!! Ol Olımpıadaǵa QR memlekettik hatshysy Ábish Kekilbaev aǵanyń toqpaǵynyń arqasynda barǵan men Alla sátin salyp, 22 kún Olımpıada qalashyǵynda jattym. Sonda Bekzatpen jatqan bólmelerimiz qol sozym ǵana jerde bolyp, 22 kún boıy qushaq aıyrmaı, syrlasyp birge júrdik!

Bekzattyń árbir shaıqasynan keıin sol kezdegi mınıstrliktiń Shtattaǵy komandalar jáne sport rezervi dırekııasynyń basshysy Serik Túkıev ekeýmiz onyń bólmesine arnaıy baryp, betinen súıip, arqasynan qaǵyp júrdik…Chempıon atanǵan BEKZAT SATTARHANOVTY sol sátte rıng túbinen kútip alyp, tuńǵysh bop sýretke túsirip, onymen birge «tyshqan jorǵalatpaıtyn» qupııa bólmege kirip ketip, arnaýly adamdar oǵan alty quty suıyqtyq ishkizip, dopıngke zárin tosyp alǵanda janynda bolyp, volonter Janar degen qyzymyz arqyly álgilermen sóılesken Bekzattyń ár sózin estip, ár qımylyn baqylaǵan basymyz…

Búgin sol ALTYN UL janymyzda joq degenge sene almaı, kúni boıy meń-zeń bop júrdik…Týǵanyna 40 jyl tolyp, jyl aıaǵynda máńgilikke aırylǵanymyzǵa 20 jyl bolatyn BEKZAT SATTARHANOVTYŃ jarasy qazaq halyq bop, ult bop turǵanda jazylmaıdy-aý, jazylmaıdy! Qaıran, BEKZATYM-AI!!!

…Búgin «Habar» arnasy túsirgen «BEKZAT» atty kórkem fılmdi kórdim… Áseri aýyr boldy. Pikirimdi birer kúnnen soń, myna zildeı salmaqtan arylǵan soń jazarmyn.

Nesip JÚNISBAIULY, jýrnalıst-jazýshy, sport qaıratkeri,

Qazaqstan Respýblıkasynyń eńbek sińirgen qaıratkeri.