• Қазақ
  •   
  • Qazaq
  •   
  • قازاق
  •   
  • Рус
  •   

    Ata-analar «Úlgi bol» estafetasyn bastady

    Karantın kezinde ata-analar balalarynyń bos ýaqytyn paıdaly ótkizýge tyrysýda, dep habarlady Bilim jáne ǵylym mınıstrligi «Ulttyq ǵylymı-praktıkalyq dene tárbıesi ortalyǵy» respýblıkalyq memlekettik qazynalyq kásiporynnyń baspasóz qyzmeti.

    Urpaq qamyn oılaý  — búkil qaýymǵa ortaq paryz. О́skeleń urpaq — elimizdiń erteńi, kemel keleshegi. Ásirese, er adamnyń tárbıesi men ónegesi joǵary baǵalanady. О́ıtkeni er kisiniń oıy árqashanda nyq,  zeıindi keledi. Er azamatty  abyroıy, namysy, qaırattylyǵy  erekshelep turady.

    «Áke – asqar taý, ana – baýraıyndaǵy bulaq, bala – jaǵasyndaǵy quraq», degen bir aýyz sózge búkil tárbıeniń bastaýyn dana halqymyz syıǵyza bilgen.

    Qazirgi tańda jahandy jaılaǵan indetke baılanysty elimizde de qaýipsizdik sharalary qabyldanyp, barlyq bilim berý júıesi qashyqtan oqytýǵa kóshken. Osy oraıda, ustazdardyń jańa zamannyń tehnologııalaryn jete meńgerýi, qashyqtan oqýshylar men stýdentterdi úılestirýi basty nazarǵa alynyp otyr. Sonymen qatar otbasyndaǵy ata-ananyń balalarynyń bilim men tárbıesimen aınalysýyna kóńil bólýi úshin úlken múmkindik týdy.

    Qazaq «Bir ákeniń tárbıesin júz mektep te bere almaıdy», dep jaıdan jaı aıtpasa kerek. Respýblıkanyń túpkir-túpkirinen balasynyń dene shynyqtyrý sabaǵy jattyǵýlaryn úı jaǵdaıynda oryndaýyna qoldaý bildirip, birge sportpen shuǵyldanyp júrgen ata-analar legi artýda.

    Bilim jáne ǵylym mınıstrligi «Ulttyq ǵylymı-praktıkalyq dene tárbıesi ortalyǵynyń» uıymdastyrýymen «Sport – densaýlyq kepili» chellendji keńinen taralyp, endi otbasylyq sportpen shuǵyldanýǵa nasıhattaıtyn «Úlgi bol» estafetasy  bastaý aldy. Alǵashqylardyń biri bolyp, Oral men Taraz, Qyzylorda qalalarynyń ákeleri bastama kótergen edi.

    О́zińiz de ul-qyzyńyzben jattyǵý jasap, beınematerıalyn 87766110111 ýatsap nomerine joldaı alasyz!

     Iske sát!

    ÚLGI BOL otbasylyq estafetasyn jalǵastyrǵyńyz kelse, #jattyǵý jasap, 87766110111 whatsapp nomerine joldańyz!

    #sport #monrk #qashyqtanoqytý

    Pikir jazý

    Your email address will not be published. Required fields are marked *

    *