Qazaq boksy Amerıkada kórsetiledi

«MTK GLOBAL KAZAKHSTAN» menedjerlik kompanııasy men iri amerıkalyq  holdıngtardyń biri «ESPN+» eksklıýzıvti teledıdarlyq kelisim-shartqa qol qoıdy.

Bul týraly buqaralyq aqparat quraldarynyń ókilderimen ótkizilgen press-lanch barysynda belgili boldy.

Kelisim-shartta  AQSh aýmaǵynda «MTK GLOBAL KAZAKHSTAN» uıymdastyratyn kásipqoı boks týrnırlaryn 2023 jylǵa deıin kórsetý týraly kelisim bar.

«MTK GLOBAL KAZAKHSTAN» menedjerlik kompanııasynyń prezıdenti  Asqar Salyqbaev:

— О́zderińiz biletindeı, 2019 jyly kompanııanyń qurylǵan kezinen bastap, biz AQSh-tyń  «ESPN+» arnasynyń tikeleı efırinde  ózimizdiń 5 shoý baǵdarlamamyzdy kórsetken bolatynbyz. Eń alǵashqy shoý ótkizgen kezimizde elimizdiń astanasy Nur-Sultan qalasyna  aty ańyzǵa aınalǵan promoýter Bob Arým men Ulybrıtanııalyq álem chempıony  Bıllı Djo Sonders kelgen bolatyn. Aldyńǵy kelisim-shartymyz 10 shilde kúni  Almaty qalasynda ótetin altynshy týrnırdan keıin aıaqtalý kerek bolatyn.

Jańa kelisim 2023 jyldyń sońyna deıin eseptelgen. Bul kelisim boıynsha biz Qazaqstannan «ESPN+» teledıdarlyq jelisine enetin shamamen 9 týrnırdi kórsetýge kepildik beremiz. О́zimizdiń tańdaǵan strategııamyzdyń durystyǵyn dáleldeıtin jáne amerıkalyq kórermenniń Qazaqstan boksshylary men bizdiń kompanııaǵa degen úlken qyzyǵýshylyǵyna óte qýanyshtymyz.

Sol kúni  «MTK GLOBAL KAZAKHSTAN» kompanııasy  kezekti sport sharasyn 10 shilde kúni Almaty qalasyndaǵy  Balýan Sholaq atyndaǵy sport saraıynda ótkizetini týraly belgili boldy. Kásipqoı boks keshiniń basty jekpe-jegi qazirgi tańda Anglııanyń Manchester qalasynda oqý-jattyǵý jıynynda júrgen birinshi orta salmaqtaǵy (69 kg) Tursynbaı Qulahmettiń tıtýlyn qorǵaý jekpe-jegi bolady.

Ol sýper jeńil salmaqtaǵy shotlandııalyq boksshy Lı MakGregor óner kórsetedi. Sonymen qatar «ESPN+» efır kestesine Talǵat Shaıken, Nurtas Ajbenov jáne Sultan Zaýrbektiń qatysýymen bolatyn jekpe-jekter enedi.

Sonymen qatar, kardta «MTK GLOBAL KAZAKHSTAN» menedjerlik kompanııasynyń boksshylar da qolǵap túıistiredi. Olar:   Álı Baloev, Baǵdat Ýaıdaev, aaǵıyndy Raı men Rahat Seıtjanovtar, Nurbol Sultanbaı, Abaı Tólesh, Nurdos Tólebaı, Aıdos Medet, Jansaıa Rahymberdi.

«MTK GLOBAL KAZAKHSTAN» — serpindi túrde damyp kele jatqan kásipqoı bokstaǵy menedjerlik kompanııa. Ol elimizde kásipqoı boksty damytý jáne tanymal etý, kásipqoı boks ındýstrııasyn qurý, kásipqoı boksshylardy halyqaralyq arenaǵa shyǵarý jáne eń bedeldi álemdik uıymdardyń nusqalary boıynsha tıtýldar úshin jekpe-jekke kómek kórsetýmen aınalysady.

Maqsattar men mindetterdi iske asyrýda «MTK GLOBAL KAZAKHSTAN» menedjerlik kompanııasy «TUKESHOV BOXING PROMOTION» promoýterlik kompanııasymen birlesip, Qazaqstanda 2019 jyldan beri 20-dan astam kásipqoı boks keshterin ótkizdi.

Osy ýaqyt aralyǵynda «MTK GLOBAL KAZAKHSTAN» jáne «TUKESHOV BOXING PROMOTION» kompanııalarynyń qoldaýymen ótken týrnırlarǵa Qazaqstannyń barlyq aımaqtarynyń atynan 250-den astam boksshy qatysty. Osy kezeńde Sultan Zaýrbek, Vıktor Kotochıgov, Qamshybek Qunqabaev, Tursynbaı Qulahmet, Nurtas Ajbenov sııaqty boksshylar, Dúnıejúzilik boks keńesi (WBC) jáne Dúnıejúzilik boks uıymy (WBO) nusqalary boıynsha chempıondyq belbeýlerdiń ıegerleri boldy. 

2020 jyly «MTK GLOBAL KAZAKHSTAN GOLDEN CONTRACT» aýqymdy sport jobasy sátti túrde júzege asyryldy. Bul jobaǵa eki salmaq dárejesindegi  (59 kg-ǵa jáne 69 kg-ǵa deıin) qazaqstandyq boksshylar qatysty. Joba jeńimpazdary bonýs retinde qomaqty aqshalaı syılyqtarǵa, «MTK GLOBAL KAZAKHSTAN» menedjerlik kompanııasymen tolyq kelisim-shart jáne WBC men WBO nusqalaryna sáıkes belbeýlerge ıe boldy.

Jaqsy uıymdastyrylǵan júıeli jumys  álemdik sport qoǵamdastyǵynyń nazaryn aýdardy. Mysaly, tikeleı efırde Qazaqstanda ótkizilgen 5 iri týrnırdi kórsetken  AQSh-tyń  «ESPN» kompanııasymen jasalǵan kelisim-shartty sonyń nátıjesi deýge bolady.

Translıaııalar men reıtıngterdiń joǵary sapasy jáne uıymdastyrylǵan týrnırlardyń dárejesin eskere otyryp, «MTK GLOBAL KAZAKHSTAN» men «ESPN» telearnasy 2023 jyldyń sońyna deıin kózdelgen uzaq merzimdi eksklıýzıvti kelisim-shart jasaýǵa kelisti. Kelisim-shart boıynsha, «ESPN»  AQSh aımaǵynda «MTK GLOBAL KAZAKHSTAN» kompanııasy  ótkizgen týrnırlerdi  kórsetýdi kózdep otyr.

Qazirgi tańda «MTK GLOBAL KAZAKHSTAN» kompanııasynyń álemdik seriktesteri:

• «BUKA BOXING» — sporttyq jabdyqtar óndirisiniń naryq jetekshileriniń biri.
• «IFL TV» – brıtandyq strımıng qyzmeti.
• «ROUND10BOXING» – álemdegi eń úlken boks zaldarynyń jelisi.
• «ESPN» – amerıkandyq teledıdar alyby.

 «MTK GLOBAL KAZAKHSTAN» kompanııasynyń álemdik seriktester qataryna «Neo SAUMAL» saýda markasymen «BBPARTNERS» kompanııasy qosylatynyn qýana jarııalaımyz. «Neo SAUMAL» — muzdatylyp, keptirilgen bıe sútin óndiretin elimizdiń eń iri óndirýshisi.

Buqaralyq aqparattar quraldarynyń ókilderimen ótken kezdesýde «MTK GLOBAL KAZAKHSTAN» jáne «TUKESHOV BOXING PROMOTION» jobalaryn damytýǵa qatysty birqatar negizgi máseleler de talqylandy:

• «MTK GLOBAL KAZAKHSTAN» men «ESPN» telearnasy arasyndaǵy eksklıýzıvti kelisim-shart;
• «TUKESHOV BOXING PROMOTION» promoýterlik kompanııasynyń qoldaýymen jáne «Qazaqstannyń Kásipqoı boks komıssııasynyń» qoldaýymen ótetin týrnırler aıasynda eń jeńil salmaqtaǵy kásipqoı boksshylar arasynda Qazaqstan chempıony ataǵy úshin jekpe-jek ótkizý;
• «MTK GLOBAL KAZAKHSTAN», «TUKESHOV BOXING PROMOTION» jáne «BBPARTNERS» kompanııalardyń birlesip, biregeı jobany iske qosý. Bul búkil qazaqstandyq jankúıelerge úlken boks álemine qatysýyn sezinýge múmkindik beretin joba;
• Shilde aıynda Almatyda qazaqstandyq jáne alys-jaqyn shetel boksshylarynyń qatysýymen ótetin úlken boks keshi týraly habarlandyrý. Bul aıqastar «ESPN» telearnasynyń tikeleı efırinde kórsetiledi.

 

«MTK GLOBAL KAZAKHSTAN»

 Baılanys úshin:

 8-707-550-55-89

Danııar KÁRIMJAN