SportPress.kz Qazaqstan sport jańalyqtary
29 qazanda Túrkistan qalasynda «Olympic center» sport saraıynda alǵash ret qazaqtyń ulttyq kúresinen «Turan Barysy» Azııa kýbogy ótedi. Jarysqa elimizdiń balýandarymen birge Túrki memleketteri uıymyna múshe Túrkııa, Túrikmenstan, О́zbekstan, Ázerbaıjan, Qyrǵyzstan men Majarstannyń ókilderi qatysady.
Qazaq kúresi balýandary 18 jastan asqan jeti adamnan turatyn komandalar atynan synǵa túsedi. Sportshylar jeti salmaq (55 kg, 60 kg, 66 kg, 74 kg, 82 kg, 90 kg-qa deıin jáne 90 kılodan asa salmaqta) dárejesinde beldesedi.
Týrnır elimizdegi ulttyq sport túrin damytý jáne qoldaý maqsatynda ótkiziledi.
«Qazaq kuresi» qaýymdastyǵynyń bas dırektory Erbol Myrzabosynovtyń aıtýynsha, týrnır tól kúresimizdi álemdik arenada odan ári damytýǵa septigin tıgizedi.
29 qazanda alǵash ret «Turan Barysy» týrnıri bolady. Túrkistan qalasy kezdeısoq tańdalmady. Ol qatysýshy elderdiń múddesin biriktiretin túrki áleminiń astanasy sanalady, – dedi Erbol Myrzabosynov.
Búginde elimizde 120 myńnan astam bala men jasóspirim sporttyń osy túrimen shuǵyldanady. Ulttyq sportty nasıhattaý maqsatynda shetelde 30-dan astam qazaq kúresi federaııasy jumys isteıdi.
Tek Qazaqstannyń ózinde ártúrli deńgeıde 800 astam jarys ótkiziledi. Sonymen birge halyqaralyq deńgeıde Azııa kýbogy, Azııa jáne álem chempıonattary sekildi halyqaralyq týrnırler ótedi, — dep atap ótti «Qazaq kuresi» qaýymdastyǵynyń bas dırektory.
«Qazaqstan Barysy» qazaq kúresin qoldaý jáne damytý qorynyń atqarýshy dırektory Serikbol Orazalınniń aıtýynsha, jarysqa myqty balýandar qatysady.
Qazaqstan Barysy» qory 10 jyl boıy ulttyq sport túrin qoldaý jáne damytýmen aınalysyp keledi. «Qazaqstan barysy», «Álem barysy», «Eýrazııa barysy» sekildi týrnırler ótkizemiz. Mundaı is-sharalar otandastarymyz ben sheteldik aýdıtorııanyń Qazaqstannyń mádenıeti men salt-dástúrine, ulttyq kúreske degen nazaryn aýdarady dep senimmen aıta alamyz. Jalpy júlde qory 20 mln teńge, — dedi Serikbol Orazalın.
Týrnır Mádenıet jáne sport mınıstrligi men Túrkistan oblysy ákimdiginiń qoldaýymen «Qazaqstan Barysy» qazaq kúresin qoldaý jáne damytý qory, «Qazaq kuresi» qaýymdastyǵy, «Týrızm men sportty qoldaý jáne damytý qory» KQ uıymdastyrylyp jatyr.
Jankúıerler týrnırdi Qazsport jáne TRT Avaz telearnalarynan tikeleı efırden tamashalaı alady.
Aqsulý ARZYQULOVA,
Qosymsha aqparat boıynsha +7702 888 31 38
