چەمپيوندار ليگاسى: «قايرات» پەن «ايات» توبە كورسەتتى

فۋتزالدان الماتىنىڭ «قايرات» پەن رۋدنىيدىڭ «ايات» كلۋبى بيىلعى چەمپيوندار ليگاسىنىڭ نەگىزگى كەزەڭىندەگى العاشقى ماتچتارىن وتكىزدى.

«قايرات» كومانداسى ءوز الاڭىندا بەلگيانىڭ «حاللە-گوويك» كلۋبىمەن كەزدەستى. ماتچ 2:2 ەسەبىمەن اياقتالدى.

كەزدەسۋدىڭ ءتورتىنشى مينۋتىندا الاڭ يەلەرى العا شىقتى. ەسەپتى فرانكو ەلوۆچيچ ەسەپتى اشتى. 17- مينۋتتا «قايراتتىڭ» ويىنشىسى كايو لاۆراتتي رۋيز ەسەپ تەڭەستىردى.

ەكىنشى تايمنىڭ 31-مينۋتتا الاڭ يەلەرى تاعى ءبىر گول سالدى. ديوگو گولدىڭ اۆتورى اتاندى. وسىدان 37-مينۋتتا داۋرەن تۇرساعۇلوۆ ەسەپتى تەڭەستىردى.

ەندى كەلەسى تۋردا 27 قازاندا «قايرات» يسپانيانىڭ «پالمو» (مالوركا) كلۋبىمەن كەزدەسەدى. 29 قازاندا فرانتسيانىڭ «سپورتينگ» (پاريج) كومانداسىمەن كۇش سىناسادى.

سونداي-اق، ەكىنشى توپتا رۋدنىيدىڭ «ايات» كلۋبى حورۆاتيانىڭ «نوۆو ۆريەمە» كومانداسىمەن ويناپ، 2:2 ەسەبىيمەن تەڭ ءتۇستى.

بۇل كەزدەسۋدە «اياتتىڭ» ويىنشىسى 26-مينۋتتا انتون رىندين ەسەپتى اشتى. ودان كەيىن كوپ ۇزاماي، 30-مينۋتتا توني ەلاۆيچ تارازى باسىن تەڭەستىرسە، 32-مينۋتتا لەاندرو رۋدنىيدىڭ كومانداسىنا ءبىر گولدى سىيلادى. بۇل قۋانىش كوپكە سوقىلمادى. اراعا ءتورت مينۋت سالىپ، 36-مينۋتتا «اياتتىڭ» ويىنشىسى ازات ۆاليۋللين ءوز قاقپاسىنا گول سالىپ الدى.

27 قازاندا «ايات» 2-توپتا پورتۋگاليانىڭ «سپورتينگ» (ليسسابون)، 29 قازاندا حورۆاتيانىڭ «پۋلا» (پۋلا) كوماندالارىمەن كەزدەسەدى.

نەگىزگى كەزەڭنىڭ ماتچتارى 25-30 قازان ارالىعىندا وتەدى. ەليتالىق كەزەڭگە ءار توپتان ۇزدىك ءۇش كوماندا قاتىسادى. بۇل كەزەڭنىڭ كەزدەسۋلەرى 22-27 قاراشاعا جوسپارلانىپ وتىر.

داستان كەنجالين،

استانا