Chempıondar lıgasy: «Qaırat» pen «Aıat» tóbe kórsetti

Fýtzaldan Almatynyń «Qaırat» pen Rýdnyıdyń «Aıat» klýby bıylǵy Chempıondar lıgasynyń negizgi kezeńindegi alǵashqy matchtaryn ótkizdi.

«Qaırat» komandasy óz alańynda Belgııanyń «Halle-Gooık» klýbymen kezdesti. Match 2:2 esebimen aıaqtaldy.

Kezdesýdiń tórtinshi mınýtynda alań ıeleri alǵa shyqty. Esepti Franko Elovchıch esepti ashty. 17- mınýtta «Qaırattyń» oıynshysy Kaıo Lavrattı Rýız esep teńestirdi.

Ekinshi taımnyń 31-mınýtta alań ıeleri taǵy bir gol saldy. Dıogo goldyń avtory atandy. Osydan 37-mınýtta Dáýren Tursaǵulov esepti teńestirdi.

Endi kelesi týrda 27 qazanda «Qaırat» Ispanııanyń «Palmo» (Malorka) klýbymen kezdesedi. 29 qazanda Franııanyń «Sportıng» (Parıj) komandasymen kúsh synasady.

Sondaı-aq, ekinshi topta Rýdnyıdyń «Aıat» klýby Horvatııanyń «Novo Vrıeme» komandasymen oınap, 2:2 esebiımen teń tústi.

Bul kezdesýde «Aıattyń» oıynshysy 26-mınýtta Anton Ryndın esepti ashty. Odan keıin kóp uzamaı, 30-mınýtta Tonı Elavıch tarazy basyn teńestirse, 32-mınýtta Leandro Rýdnyıdyń komandasyna bir goldy syılady. Bul qýanysh kópke soqylmady. Araǵa tórt mınýt salyp, 36-mınýtta «Aıattyń» oıynshysy Azat Valıýllın óz qaqpasyna gol salyp aldy.

27 qazanda «Aıat» 2-topta Portýgalııanyń «Sportıng» (Lıssabon), 29 qazanda Horvatııanyń «Pýla» (Pýla) komandalarymen kezdesedi.

Negizgi kezeńniń matchtary 25-30 qazan aralyǵynda ótedi. Elıtalyq kezeńge ár toptan úzdik úsh komanda qatysady. Bul kezeńniń kezdesýleri 22-27 qarashaǵa josparlanyp otyr.

Dastan KENJALIN,

ASTANA