Chempıondar lıgasy: «Qaırat» pen «Aıat» kútpegen oıyn kórsetti

Almatynyń fýtzaldan «Qaırat» klýby Chempıondar lıgasynda ekinshi kezdesýin ótkizip, taǵy da jeńiske jete almady. Bul joly almatylyqtar Ispanııanyń Palma-de-Malorka qalasynyń «Palma» komandasymen oınap, 2:2 esebimen teń tústi.

Matchtyń 9 mınýtynda Dýglas Jýnıor óz qaqpasyna dop soqty. Sodan keıin araǵa 10 mınýt salyp Dáýren Tusaǵulov esepti teńestirdi. Kezdesýdiń 36-mınýtynda Shyńǵys Esenamanov gol salyp, «Qaıratty» alǵa shyǵardy. Alaıda negizgi ýaqyttyń bitýine 1 mınýt qalǵanda «Palmanyń» oıynshysy Eloı Rohas esepti teńestirip ketti. Osynyń aldynda «Qaırat» Belgııanyń «Halle-Gooık» komandasymen de 2:2 esebimen teń oınaǵan edi.

Endi «Qaırat» 1-toptaǵy kelesi kezdesýin 29 qazanda Franııanyń «Sportıngine» qarsy ótkizedi.

Al Rýdnyıdyń «Aıat» klýby Chempıondar lıgasynyń toptyq kezeńiniń ekinshi oıynynda utyldy. Olar Portýgalııanyń «Sportıng» komandasynan úlken eseppen jeńildi. Esep –  1:7. «Sportıngtiń» sapynda Dıego Kavınato (4 mınýt), Paýleta (5, 7 mınýt), Erık (16 mınýt), Ýgý Sılva (20, 34 mınýt) men Mıgel Anjelý (38 mınýt) goldardyń avtory atandy.

«Aıat» klýbynda jalǵyz dopty ulttyq qurama oıynshysy Azat Valıýllın (8 mınýt) soqty.

Buǵan deıin Rýdnyı komandasy Horvatııanyń «Novı Vrıeme» klýbymen 2:2 esebimen teń túsken edi.

Endi «Aıat» 29 qazanda Horvatııanyń «Pýla» komandasymen oınaıdy.

Dastan KENJALIN,

ASTANA