Júgirýdi ómiriniń serigi etken sport sheberi

Bizdiń eldegi sport tarıhynyń betterin paraqtaı otyryp, kóptegen umytylyp bara jatqan esimderdi kezdestirip jatamyz. Keńes Odaǵy kezinde Qazaqstan sportyn álemge tanytqan jaryq juldyzdardyń keıbiri máńgilik mekenge sapar shekse, keıbiri jastarǵa batasyn berip ortamyzda júr.

Iá, ol ómirdiń bir zańdylyǵy da bolar. Múmkin, ótken ýaqyt óz tarıhyn qoıynyna basyp ala kete me kim bilsin, degenmen de el sportyna izin qaldyrǵan jandarmen kezdeısoq kezdesip qalǵanda qolǵa qalam alyp, ómir jolynan syr shertip, halyqqa qaıta qaýyshtyrǵym kelip turady. О́ıtkeni, jastarǵa sol tulǵalar arqyly tárbıe berýdiń mańyzy zor dep bilemin. Aıtalyq, aty áıgili marafonshy, álem marafonynyń chempıony, Qazaqstan Respýblıkasynyń qurmetti sport qaıratkeri, KSRO sport sheberi Alpys Aryqbaıuly Ermaǵanbetov aǵamyzdyń sporttaǵy jarqyn joly esterińizde bolar. Al, sol aty áıgili jelaıaq marafonshy týraly bilmegen jan bolsa, qaıta tanystyryp ótse artyq bolmas. О́ıtkeni, týmysynan ózgege uqsamaıtyn erekshe jannyń sporttaǵy jetken jetistigi aıtarlyqtaı.

Jýyrda Esik qalasynda ornalasqan Balalar men jasóspirimder sport mektebiniń stadıonynda aty tanymal aǵamyz Alpys Ermaǵanbetovtyń júldesine arnalyp jeńil atletıkadan 1946 metr qashyqtyqqa «Densaýlyq shaqyrymy» atty úlken jarys  ótti.

Jarysty Esik qalasynyń ákimdigi men Balalar men jasóspirimder sport mektebi úndesip ótkizip, sport qumar halyqqa bir tamasha kóńil-kúı syılady. Jarys jolyna shyqqan jasóspirim jelaıaqtarǵa Alpys Aryqbaıuly aqsaqaldyń ózi aldaryna turyp qolyn jaıyp, aq batasyn berdi. Osyndaı jarysty uıymdastyrýdaǵy negizgi maqsat — marafon jarystaryna jastardy qyzyqtyryp, tartý ári densaýlyqty jaqsartý.

Negizi, Alpys atamyz 70 asqan jasynda áli de tyń, sergek. Aıaq-qolǵa turmaı ary-beri júgire jortyp júrgenin kórip rıza boldyq. Ardager sportshy 1984 jyly Qaraǵandy men Almaty arasynda ótken 42 km, 195m marafonda top jaryp, márege birinshi bolyp kelse, 1997 jyly Túrkııanyń Stambýl qalasynda halyqaralyq Evrazııa marafonynda chempıon atanady. 2007 j yly Máskeýdiń 860 jyldyǵyna oraı uıymdastyrylǵan búkil dúnıejúzilik marafon jarysynda aldyna jan salmaı jeke dara keledi. Alpys aǵanyń alǵan júldelerin saraptap aıtýdyń ózi biraz ýaqytty alarynda sóz joq.

Jeńis medaldary bir túıege júk artqandaı shyǵar sirá. Bul kisi áli kúnge deıin tańmen talasyp tura salyp, júgirip ketedi eken. Jalqaýlyq, erinshektik Alpys aǵamyz úshin jat qylyq. Sondyqtan bolar utpaǵan jarysy, almaǵan medali qalmaǵan. Sol marapat, abyroı, qurmettiń bári derlik erinbeı etken eńbektiń arqasynda kelgenin kóremiz.

Búginde jasy 70 asyp ketken Alpys aǵamyz Balalar men jasópirimder sport mektebinde jas shákirtterge uzaq jyldar boıy jınaǵan tárjirbıesimen bólisip, bilgenin úıretip júr eken. Aǵamyz bar ǵumyryn sportqa sonyń ishinde júgirýge arnaǵan adam. «Júgirý — ómirimiń negizgi tiregi», -dep alǵan ardager marafonshyny qazir jarys jolyna shyǵarsańyz jer tarpyp toptan qara úzip júlde alýǵa daıyn turǵan tulpardaı shıraq, qımyly shapshań. О́mirge qulshynysy joǵary, aınalasyna úlken úlgi osyndaı aǵa býyn ardaqty jandar janymyzdy júrgende biz ózimizdi baqytty sanaımyz. О́ıtkeni, bul kisiler sheberlik mektebiniń shyńyna shyqqan alyp jandar. Sondyqtan jas marafonshylarǵa qazynaly atalarynan úırenip alyp qalar dúnıe jeterlik dep bilemin.

Aqyn ORDABAIULY,

ALMATY