Qazaqstan Azııa chempıonatynyń pleı-off kezeńine shyqty

Irannyń Bender-Abbas qalasynda jaǵajaı voleıbolynan Azııa chempıonaty ótip jatyr.

Sary qurlyqtaǵy 11 eldiń 29 quramasy 18 qarashaǵa deıin myqty komandany anyqtaıdy. Bul qatarda jarys qojaıyny Iran tórt qurama qossa, Qazaqstan, Avstralııa, Qytaı, Taıland, Japonııa men Katar úsh komandadan jiberdi. Oman, Indonezııa, Gonkong eki juptan attandyrdy. Tek Úndistan bir quramasyna senim artady.

«D» tobyndaǵy Dmıtrıı Iakovlev pen Sergeı Bogatý juby (Qazaqstan 1) eshkimge des bermeı keledi. Olar búgin Gon Kong (2) quramasyn senimdi jeńdi. Esep: — 21:14, 21:15.

Keshe Iakovlev pen Bogatý dýeti Avstralııa (2) voleıbolshylaryn 1:2 (21:17, 21:23, 10:15) esebimen utty. Al alǵashqy oıynda Omannan basym tústi (15:21, 15:21). Elimizdiń alǵashqy quramasy óz tobynan birinshi orynmen pleı-ofqa joldama aldy.

Nurdos Aldash pen Kırıl Gýrın (Qazaqstan 2) «F» tobynda Qytaı men Taılandtan 2:0 esebimen jeńilip qaldy. Olar endi Iran (4) jigitterimen oınaıdy.

Al Qazaqstannyń úshinshi quramasyndaǵy Vladıslav Pýstınnıkov pen Artıom Petrosıan alǵashqy machta avstralııalyqtarǵa jol bergenimen (2:0), keshe Japonııanyń kóshbasshy komandasynan basym tústi (1:2).

Sary qurlyqtaǵy kóshbasshy Avstralııa quramasy. Olar osyǵan deıin bes márte chempıon bolǵan. Indonezııa — 4, Qytaı — 3, Iran, Katar, Jańa Zelandııa eki retten top jarsa, Qazaqstan quramasy bir ret altyn medal  jeńip aldy.

Dastan KENJALIN,

ASTANA