Álem chempıonaty: Tórt boksshy fınalǵa shyqty

Ispanııanyń La-Nýsııa qalasynda bokstan jastar arasynda ótip jatqan álem chempıonatynda jartylaı fınalda sharshy alańǵa kóterilgen 7 boksshymyzdyń tórteýi fınalǵa joldama alsa, úsheýi álem chempıonatynyń qola júldegerleri atandy.

66 kelidegi Baqyt Seıdish franýz Maılıs Rıchldi úsh ret nokdaýnǵa jiberip, kezdesýdi merziminen buryn aıaqtasa, 54 kelidegi Elına Bazarova nıderlandyq boksshy Marııa Verheımdi utyp, fınalǵa shyqty.

Jartylaı fınalda óner kórsetken eki jigitimizdiń ekeýi de qarsylastarynan basym tústi. Aldymen 67 kelidegi Nurbek Mursal ırlandııalyq Djeıms Frensısti 3:2 esebimen utsa, 75 kelidegi Dáýlet Tólemisov Belgııa ókili Hadjıt Noany 5:0 esebimen taza jendi.

О́kinishke qaraı, Ásel Toqtasyn (+81 keli). Ásem Tańatar (63 keli) jáne Gúlnaz Bóribaeva (48 keli) Úndistan boksshylaryna ese jiberip, álem chempıonatynyń qola júldesine ıe boldy.

Búgin, 24 qarashada boksshylar demalyp, 25-26 qarasha kúnderi álem chempıony ataǵy úshin sharshy alańǵa shyǵady.

Dastan KENJALIN,

ASTANA