ÁCh-2022: Ronaldý rekord jańartty

Fýtboldan Katarda ótip jatqan álem chempıonatynda Portýgalııa quramasynyń shabýylshysy Krıshtıaný Ronaldý kezekti ret rekord jańartty.

Ol bes ret álem chempıonatyna qatysyp, beseýinde de gol salǵan tuńǵysh oıynshy atandy. Bıylǵy dodada ol Portýgalııa men Gana matchynda 65-mınýtta 11 metrlik aıyp dobynan qaqpany dál kózdedi. Osy kezdesýde fýtbolshy matchtyń úzdik oıynshysy atanyp, ulttyq quramasy sapyndaǵy 112-golyn saldy.

Buǵan deıin shabýylshy 2006, 2010, 2014 jáne 2018 jylǵy álem chempıonattarynda mergendigimen kózge túsken edi. Sondaı-aq Ronaldý álem chempıonatynda erkin agent retinde gol salǵan ekinshi oıynshy boldy. Ol álemdik dodanyń aldynda Anglııanyń «Manchester ıýnaıted» klýbymen qosh aıtysqan bolatyn.

Krıshtıaný Ronaldýdyń Eýropa chempıonattarynda 14 gol soqqan eń mergen oıynshy degen ataǵy da bar.

Dastan KENJALIN,

ASTANA