قازاقستان حوككەيشىلەرى ۋنيۆەرسيادانى جەڭىسپەن باستادى

اقش-تاعى لەيك-پلەسيد قالاسىندا باستالعان قىسقى ۋنيۆەرسيادا قازاقستان قۇراماسى وڭتۇستىك كورەيا كومانداسىمەن كەزدەسىپ، قارسىلاستارىن 5:1 ەسەبىمەن جەڭدى.

قازاقستان قۇراماسىندا شايبالاردى الديار نۇرلان (6-مينۋت)، ماكسيم مۋسوروۆ (26-مينۋت)، كيريلل پولوحوۆ (35 جانە 37-مينۋت) پەن ماكسيم مۇحامەتوۆ (39-مينۋت) سوقتى. وڭتۇستىك كورەيا قۇراماسىندا مين دجە چان (21-مينۋت) قاقپانى ءدال كوزدەدى.

ۋنيۆەرسيادادا قازاقستان قۇراماسى ۆەنگريا، ۇلىبريتانيا، سلوۆاكيا جانە اقش قۇرامالارىمەن توپتا ونەر كورسەتەدى. توپتان ءبىرىنشى جانە ەكىنشى ورىن العان كوماندالار پلەي-وفف كەزەڭىنە شىعادى.

قازاقستان قۇراماسى كەلەسى كەزدەسۋىن 13 قاڭتاردا ۆەنگريا كومانداسىنا قارسى وتكىزەدى.

بۇعان دەيىن 2023 جىلعى قىسقى ۋنيۆەرسيادا 12-22 قاڭتار ارالىعىندا اقش-تىڭ لەيك-پلەسيد قالاسىندا ءوتىپ جاتقانى حابارلانعان ەدى. 1500-دەن استام سپورتشى سپورتتىڭ 12 تۇرىنەن كۇش سىناسادى. ونىڭ ىشىندە جاس ۇمىتتىلەر دە، ءوز پاندەرىندەگى جەتىستىككە جەتكەن ستۋدەنتتەر دە بار. بايقاۋعا 17 مەن 25 جاس ارالىعىنداعى ۋنيۆەرسيتەت ستۋدەنتتەرى قاتىسا الادى.

قازاقستاننىڭ نامىسىن تاۋ شاڭعىسى، بياتلون، شاڭعى جارىسى، كەرلينگ، مانەرلەپ سىرعاناۋ، فريستايل، حوككەي، شاڭعى قوسسايىسى، شورت-ترەك، شاڭعىمەن سەكىرۋ، سنوۋبورد، كونكيمەن جۇگىرۋ سياقتى 12 سپورت ءتۇرى بويىنشا 78 سپورتشى قورعايدى.

حوككەي تۋرنيرىنە قازاقستاننىڭ ستۋدەنتتەر قۇراماسى قاتىسىپ جاتىر. كوماندالار ەكى توپقا بولىنگەن. حوككەيشىلەرىمىز ۆ توبىندا وينايدى. ءار توپتا العاشقى ەكى ورىن العان كوماندالار جارتىلاي فينالعا جولداما الادى. فينالدىق ويىننان بولەك، ءۇشىنشى ورىن ءۇشىن دە كەزدەسۋ وتەدى.

قازاقستان قۇراماسىنىڭ الداعى تۋرنيرگە قاتىسۋ كەستەسى:

13 قاڭتار – 00:00، كورەيا – قازاقستان.

13 قاڭتار – 20:30، قازاقستان – ۆەنگريا.

16 قاڭتار – 07:00، قازاقستان – ۇلىبريتانيا.

17 قاڭتار – 03:30، قازاقستان – سلوۆاكيا.

18 قاڭتار – 20:30، اقش – قازاقستان.

داستان كەنجالين،

استانا