Aýyr atlet Igor Son dopıng qoldanǵany úshin uzaq ýaqytqa jarystan shettetildi — BAQ

Aýyr atletıkadan Tokıo Olımpıadasynyń qola júldegeri Igor Son dopıng qoldanǵany úshin uzaq merzimge sporttan shettetildi.

Son segiz jylǵa, 2030 jyly naýryzdyń sońyna deıin jarystarǵa qatysa almaıdy. Dıskvalıfıkaııa 2022 jylǵy naýryzda bastaldy. Sol jyly 2 naýryzynda jarystan tys kezeńde alynǵan sportshynyń synamasy oń nátıje bergen. Sportshynyń qanynan anabolıkalyq steroıdterdiń biri bolyp tabylatyn metasteron tabylǵan.

Tokıo Olımpıadasynda ol 61 kelige deıingi salmaq dárejesinde qola júlde, 2019 jylǵy álem chempıonatynda kúmis medal aldy.

24 jastaǵy sportshy mansabynda ekinshi ret dıskvalıfıkaııaǵa ushyrap otyr. Buǵan deıin 2015 jyly aýyr atlet jasóspirimder arasyndaǵy álem chempıonatynan keıin birneshe aıǵa sporttan shettetilgen bolatyn. Biraq ol kezde preparat aǵzasyna taǵam arqyly engenin dáleldeı aldy.

Endi ol Tokıo Olımpıadasynda alǵan medalinen aıyrylýy tıis. О́ıtkeni eger sportshy dopıngtik erejeni qaıtalap buzsa, ol júldesin qaıtaryp beredi.

Byltyr Igor Sonnan basqa, Abylaı Áýelhanov, Iýlııa Potasova, Rýfına Chalqarova, Alekseı Drozdov, Matveı Makrýshınderden alynǵan synama oń nátıje kórsetken edi.

Jalpy, 2008 jyldan beri dopıngpen ustalǵan Qazaqstan aýyr atletteriniń sany 50-den asyp ketti.

Zańsyz preparattardy qoldanǵan sportshylarmen birge jattyqtyrýshylar, jeke dárigerler, tipti sport fýnkıonerleri de jumystan shettetiledi.

Dastan KENJALIN,

ASTANA