Aty ańyzǵa aınalǵan fýtbolshy Petr Jekov ómirden ótti

Aty atyńyzǵa aınalǵan fýtbolshy, Sofııanyń SKA komandasy men Bolgarııa quramasynyń shabýylshysy Petr Jekov 79 jasqa qaraǵan shaǵynda ómirden ótti.

Petr (bolgarsha – Petr, — red.) Jekov 1944 jyly 10 qazanda Bolgarııanyń Haskov oblysyndaǵy Knıjovnık eldi mekeninde týǵan. 2023 jylǵy 18 aqpanda Sofııa qalasynda qaıtys boldy.

Petr Jekov – Eýropanyń mergen shabýylshylarǵa beriletin «Altyn býtsa» júldesiniń 1969 jylǵy, «Kúmis býtsanyń» 1970 jylǵy, «Qola býtsanyń» 1973 jylǵy ıegeri. 1968 jylǵy Olımpııalyq oıyndardyń kúmis júldegeri. Bolgarııa quramasy sapynda 44 match ótkizip, 25 gol salǵan,

Bizdiń aramyzdan Bolgarııa fýtbolynyń tarıhyndaǵy eń keremet sıqyrshy fýtbolshylardyń biri Petr Jekov ketti. Ǵajaıyp shabýylshy, komandadaǵy úlken júrekti senimdi joldas, «Altyn býtsany» alǵan tuńǵysh bolgar fýtbolshysy – biz qalaı áspettep minezdeme bergimiz kelse de, onyń shyn keskin-kelbetin, SKA-nyń damýyna qosqan orasan úlesiniń ólshemin tolyq sýrettep bere almas edik, – dep jazdy Facebook-ke «armııashylar» klýbynyń músheleri.

Petr Jekov álemniń eń úzdik fýtbolshylary qatarynda 1971 jylǵy 27 mamyrda Máskeýde ótken Lev Iashınniń qoshtasý matchyna da qatysty. Ol 2:2 bolyp teń aıaqtalǵan joldastyq kezdesýdiń 78-mınýtynda álem quramasy sapynan sońǵy goldy salyp, esepti teńestirdi.

Dastan KENJALIN,

ASTANA