قىزىلوردالىق ۆولەيبولشىلار — ەل چەمپيونى

12-19 ءساۋىر ارالىعىندا تۇركىستان قالاسىندا 1999 — 2000 جىلدارى تۋىلعان جاسوسپىرىمدەر اراسىندا ۆولەيبولدان قازاقستان رەسپۋبليكاسىنىڭ كوكتەمگى چەمپيوناتى ءوتتى. استانا، الماتى قالالارى مەن بارلىق وبلىستاردان 16 كوماندا، 200-دەن اسا سپورتشى قاتىسقان ءدۇبىرلى سايىستا جەرلەستەرىمىز ءبىرىنشى ورىندى جەڭىپ الدى. بۇل تۋرالى قازاقپارات حاا ءتىلشىسى حابارلادى. قىزىلوردا وبلىسىنىڭ قۇراما كومانداسىنىڭ جەڭىمپاز اتانۋىنا سىرداريالىقتار داۋلەت كەنجەعاليەۆ، داۋلەت رۋسلانوۆ، ازامات وردابەكوۆ، مۇحامەدالي بايتۇگەلوۆ، الىشەر وتەشوۆ، شيەلىلىكتەر ايات رامازان ۇلى، ولجاس ساپارباي، ماعجان احانتاي، نۇرلان سايىن، جاڭاقورعاندىقتار زۇلفار مانسۇر، ەربولات ورىنحانوۆ، بەكزات مەيرامبەك، قازالىدان ەرسۇلتان وڭارباي سىندى ۆولەيبولشىلار ءوز ۇلەستەرىن قوستى.

كوماندانى جارىسقا بولات رىسماحان جانە وتەپبەرگەن ءابدىرامانوۆ دايىندادى. وبلىستىڭ جاسوسپىرىمدەر اراسىنداعى اعا جاتتىقتىرۋشىسى بولات رىسماحاننىڭ ايتۋىنشا، سپورتشىلار ەندى ماۋسىم ايىندا وسكەمەن، حرومتاۋ قالالارىندا وتەتىن قازاقستان رەسپۋبليكاسىنىڭ جازعى چەمپيوناتىنا دايىندالادى. ايتا كەتەيىك، جاقىندا تۇركىستان قالاسىندا 2000-2004 جىلدارى تۋىلعان جاسوسپىرىمدەر اراسىندا ۆولەيبولدان وتكەن ەل چەمپيوناتىندا قىزىلوردالىقتار قولا جۇلدەنى يەلەنگەن بولاتىن.

http://www.inform.kz/kz/kyzylordalyk-sportshylar-voleyboldan-otken-el-chempionatynda-birinshi-oryn-ielendi_a3018708