«Azııa balalary» oıyndary: Qazaqstan altynshy orynnan kórindi

Búgin Reseı Federaııasynyń Kemerevo oblysynda qysqy sport túrlerinen II «Azııa balalary» oıyndary aıaqtaldy. Bul týraly Mádenıet jáne sport mınıstrliginiń Sportty damytý dırekııasy habarlady.

Qysqy oıyndardyń resmı jabylý rásiminde elimizdiń kók baıraǵyn short-trekshi Madııar Madıhov ustap shyqty. Al halyqaralyq jarystyń týyn túsirý rəsimine chempıon retinde Qazaqstan atynan Meıirjan Tólegen qatysty.

On kúnge sozylǵan keshendi jarysta Qazaqstan 3 altyn, 5 kúmis jáne 6 qola medal ıelenip, jalpykomandalyq esepte altynshy oryn aldy. Jalpy, Kýzbass óńirinde ótken Oıyndarǵa 58 otandasymyz sporttyń bes túrinen kúsh synasty.

Ilıa Mızernyh (shańǵymen tuǵyrdan sekirý, K-40), Meıirjan Tólegen (short-trek), Varvara Glýhova (konkımen júgirý) chempıon atandy.

Meıirjan Tólegen (short-trek, 1500m), Ilıa Shılnıkov (shańǵymen tuǵyrdan sekirý, K-40), estafetada erler quramasy (short-trek), aralas komandalyq synda Ilıa Mızernyh pen Sofıa Shıshkına (shańǵymen tuǵyrdan sekirý), sprıntte erler quramasy (konkımen júgirý) kúmis júldege ıe boldy. Al Málıke Joltabar (short-trek, 1500m), Sofıa Shıshkına (shańǵymen tuǵyrdan sekirý, K-40), estafetada qyzdar quramasy (short-trek), aralas komandalyq synda Ilıa Shılnıkov pen Alıona Sverıdenko (shańǵymen tuǵyrdan sekirý), Madııar Madıhov (short-trek, 100m), shańǵy jarysyndaǵy dostyq estafetasynda Arına Andrıýщenko («Sport» quramasynda) qola júldeni ıelendi.

Jalpy esepte Reseıdiń Sibir federaldy okrýgy birinshi oryn alsa, odan keıin Reseıdiń Máskeý oblysy, Oral men Qıyr shyǵys federaldy okrýgynyń quramasy jaıǵasty. Oıyndar kezinde 57 medal jıyntyǵy sarapqa salyndy. «Azııa balalary» oıyndaryna Qazaqstan, Armenııa, Aýǵanstan, Belarýs, Kýveıt, Qyrǵyzstan, Lıvan, Nepal, Tájikstan, Taıland, Túrikmenstan, О́zbekstan men Reseıdiń Máskeý oblysynyń, Kýzbass óńiriniń, Qıyr shyǵys federaldy okrýgy, Sibir federaldy okrýgy men Oral federaldy okrýgynyń quramalary qatysty. Sondaı-aq, Bashqurtstan, Saha men Tatarstan Respýblıkasynyń komandalary da baq synady.

Qazaqstan 2019 jyly ótken alǵashqy «Azııa balalary» oıyndaryna sporttyń 8 túrinen 74 sportshy aparǵan edi. Sol kezde elimiz jalpykomandalyq esepte 7 altyn, 7 kúmis jáne 6 qola medalmen 11 quramanyń ishinde altynshy orynnan kóringen. Osylaısha, elimiz eki jarys qatarynan altynshy orynnan asa almady.

Shamken BAIYRBEK,

ASTANA