Myrzaǵalı Aıtjanov qazaq pen ózbek boksyn salystyrdy

Bokstan Qazaqstan ulttyq qurama komandasynyń bas jattyqtyrýshysy Myrzaǵalı Aıtjanov Boks federaııasynyń uıymdastyrǵan press-týr kezinde qazaq pen ózbek boksyn jıi salystyryp júrgen adamdarǵa jaýap berdi.

Onyń aıtýynsha, sońǵy kezde qazaq pen ózbek boksshylaryn salystyratyn adamdar kóbeıip ketti. Qazir elimizdiń bylǵary qolǵap sheberleri osydan birneshe jyl burynǵy deńgeıge jetý úshin qolda bar múmkindiktiń bárin jasap jatyr.

Shyny kerek, sońǵy kezde esemiz ketip júr. Ony moıyndaý kerek. Endi biz burynǵy qalpymyzǵa, burynǵy bıigimizge jetý úshin bar kúshimizdi salamyz. Sol deńgeıge jetý — basty maqsatymyz, — dedi ol.

Osy rette bas jattyqtyrýshy Bolgarııanyń astanasy – Sofııa qalasynda Strandja kýbogy úshin ótken halyqaralyq týrnırdegi boksshylardyń sátsizdigi týraly da aıtyp berdi. Ol týrnırge ulttyq quramanyń birinshi nomerli sportshylaryn aparmaǵanyn, negizgi quramnan 75 kelidegi Nurqanat Raıys pen 91 keliden asa salmaqtaǵy Qamshybek Qońqabaevtyń ǵana sharshy alańǵa shyqqanyn, basqa boksshylardyń barlyǵy ekinshi, úshinshi, tórtinshi nómirli sportshylar bolǵanyn eskertti.

Bul týrnırde Raıys qola júldeger atandy. Jarysqa negizinen ulttyq quramanyń ekinshi, úshinshi, tórtinshi nomerli sportshylary qatysty. Olardy da shyńdap, áleýetti múmkindigin baıqap otyrýymyz kerek, — dedi Aıtjanov.

Sondaı-aq Myrzaǵalı Aıtjanov Qamshybek Qońqabaevtyń ózbekstandyq Bahadúr Jalolovpen nelikten qolǵap túıistirmegenin aıtty.

Qamshybek jaraqat alǵan. Sol sebepti ony sharshy alańǵa shyǵarmadyq. Bul halyqaralyq týrnır ǵana. Alda О́zbekstanda álem chempıonaty bolady. Jerebe jolyqtyrsa, ekeýi taǵy da kezdesýi múmkin. Sol kezde bári sheshiledi, — dedi bas jattyqtyrýshy.

Onyń sózinen belgili bolǵandaı, qazirgi ulttyq quramanyń boksshylary Anglııa, Ázerbaıjan men Tájikstan boksshylarymen birigip jattyǵý jıynyn ótkizýde.

Komanda músheleri álem chempıonatyna tııanaqty daıyndalyp jatyr. «Aqbulaq» bazasynda bar jaǵdaı jasalǵan. Mundaı zamanaýı keshenge sheteldik komandalar da tań qalyp jatyr. Álem chempıonaty qarsańyndaǵy sońǵy jattyǵý jıynyn Túrkistan oblysynda ótkizemiz. Al jarysqa baratyn boksshylar sáýir aıynda tolyq anyqtalad, — dedi ol.

Onyń taǵy bir aıtqany, birinshi nomerli boksshylar arasynda salmaq aýystyrýǵa qatysty aýys-túıister bolǵan joq. Ázirshe.

Dastan KENJALIN,

ASTANA