Гимнастшы Елжаңа Таниева Гран-придің қола жүлдегері атанды

Гимнастшы Елжаңа Таниева Испанияның Марбелья қаласында өткен Гран-при турнирінде қола жүлдегер атанды.

Ол доп жаттығуының финалында 32.900 ұпаймен үшінші орын алды.

Бірінші және екінші орынды Болгариядан келген Стиляна Николова (35.700) мен Ева Брезалиева (33.600) иеленді.

Осы Гран-придің басқа түрлерінен Елжаңа Таниева ең мықты 8 гимнастшының қатарына енді. Ол құрсаумен 6-орын, ұршықпен 7-орын алды.

26 ақпанда Таниева Эстонияда өткен Гран-при турнирінде күміс жүлдегер атанған болатын.

Дастан КЕНЖАЛИН,

АСТАНА