شاۆكات راحمونوۆتى ەندى سپورتتى قولداۋ قورى قارجىلاندىرادى

قازاقستاندىق جەكپە-جەك شەبەرى شاۆكات راحمونوۆ ەندى كەلەسى كەزدەسۋلەرىنە دايىندالۋ ءۇشىن سپورتتى قولداۋ قورىنان قارجىلاندىرىلادى. بۇل تۋرالى مادەنيەت جانە سپورت ءمينيسترى اسحات ورالوۆ ءوزىنىڭ Facebook-تەگى پاراقشاسىنا جازدى.

بۇل رەتتە مينيستر كەزەكتى جەڭىسىنەن ورالعان سپورتشىمەن جەكە كەزدەسكەنىنە توقتالعان.

مەن شاۆكاتتى جاقىندا امەريكاندىق دجەفف نيلمەن بولعان جەكپە-جەكتە جەڭىسىمەن تاعى دا قۇتتىقتادىم جانە وعان العىس حات تابىستادىم. سونداي-اق ول كەلەسى جەكپە-جەكتەرگە دايىندالۋ ءۇشىن سپورتتى قولداۋ قورىنان قارجىلاندىرىلادى. شاۆكات بۇكىل الەمگە قازاقستاندى پاش ەتتى جانە وسى قادامى ءۇشىن ءبىز وعان ايرىقشا العىسىمىزدى جەتكىزەمىز. ونىڭ UFC چەمپيوندىق بەلبەۋىن جەڭىپ الۋىنا تىلەكتەسپىن، تولاعاي تابىس تىلەيمىن، — دەپ جازدى اسحات ورالوۆ.

ەسكە سالا كەتسەك، شاۆكات راحمونوۆ بۇعان دەيىن كاسىبي مانسابىنداعى 17-ءشى جەكپە-جەگىنەن كەيىن رەيتينگتە بىردەن 3 ساتىعا كوتەرىلگەن ەدى.

ەركەعالي بەيسەنوۆ،

استانا