Astanada Halyq batyryna qurmet kórsetiledi

Bıyl Ult-azattyq kóterilisiniń Bas sardary, Halyq batyry Amangeldi Imanovtyń týǵanyna 150 jyl. Osyǵan oraı  Astana qalasy ákimdiginiń E.Rahmadıev atyndaǵy Memlekettik akademııalyq fılarmonııasy 3 sáýirde saǵat 18.00-de  «DALA DAÝYLPAZY» atty akademııalyq konert usynady.

Konertte sımfonııalyq orkestr men etno-folklorlyq ansambl birlesip, alǵash ret sıntezdelgen formada óner kórsetedi. Bul — Qazaqstanda alǵash ret jasalyp otyrǵan eksperımentti konert.

Halyq batyry Amangeldi Imanovqa tanymal kompozıtorlar mýzyka arnady. Operalar, sımfonııalar jazyldy. Klassık kompozıtorlar M.Tólebaev pen E.Brýsılovskııdiń «Amangeldi» operasy, qytaı kompozıtory Sı Sınhaıdyń «Amangeldi» sımfonııasy sonyń aıǵaǵy.  Sondaı-aq, Áblahat Esbaev, Latıf Hamıdı, Borıs Erzakovıch, Dmıtrıı Maýın, ataqty kúıshi Súgir syndy kompozıtorlardyń shyǵarmalary Qazaq radıosynyń «Altyn qorynda» saqtaýly. Al arııalardy qazaq opera óneriniń negizin qalaýshylar Manarbek Erjanov, Mýslım, Rıshad Abdýllınder, Ermek Serkebaev, Sýat Abýseıtov, Rashıt Musabaev, Káýken Kenjetaev men basqa da ónerpazdar oryndaǵan. Osy atalǵan shyǵarmalar qaıta óńdelip, konertte jańa daýysta áýeleıtin bolady. Sondaı-aq, elimizge tanymal kompozıtorlar Marat Berdiǵulov, Serik Ábdınurov, Aıtbaı Muzdahanov, Sholpan Qorǵanbek, Aısulý Tanı, Ertaı Bakırovtiń de shyǵarmalaryn tyńdaısyzdar.

Qaı zamanda bolmasyn, azamattyń rýhyn kóteretin, jigerlendiretin joryq jyrlary, áskerı-patrıottyq ánder óskeleń urpaqqa aýadaı qajet. Osy tusta aıtyp óteıin, qazaq mýzyka ónerinde Amangeldi batyrǵa arnalǵandaı kóp shyǵarma jazylmaǵan shyǵar. Áli de jazylyp keledi. Biz fılarmonııa mýzykanttary uzaq jyldar boıy muraǵatta jatyp qalǵan notalyq jáne aýdıo jazbalardy qalpyna keltirý boıynsha úlken jumys júrgizdik. Bul qıyndyǵy mol, tabandylyqty, shydamdylyq pen uqyptylyqty qajet etetin úlken is. Jumys notalyq redakııa, jańa aranjırovka, jańa aspaptyq óńdeý, sımfonııalyq orkestr men folklorlyq ansambldiń jańa dybystyq sınteziniń úndesýi baǵytynda júrgizildi. Bizdiń mindetimiz – bul klassık kompozıtorlarymyzdyń jáne jas kompozıtorlardyń  Amangeldi Imanovtyń kórkemdik beınesin ashýǵa arnalǵan shyǵarmalaryn elimizde ǵana emes, shetelderde de nasıhattaý. Men de bul konerke erlik pen órlikti, ultyna da súıspenshilikti baıandaıtyn shyǵarma jazyp, sol eńbegimdi Amangeldi Imanov atamyzdyń rýhyna arnap otyrmyn, -dedi «Qorqyt» etno ansambliniń kórkemdik jetekshisi, QR Mádenıet qaıratkeri Sholpan Qorǵanbek».

Konertke Astana qalasy ákimdiginiń E.Rahmadıev atyndaǵy Memlekettik akademııalyq fılarmonııasynyń sımfonııalyq orkestri, «Qorqyt» etno ansambli, Úrlemeli orkestr, «Naz» memlekettik bı teatry, jeke oryndaýshylar: Qazaqstannyń eńbek sińirgen qaıratkeri, kúıshi Anar Muzdahanova, «Daryn» memlekettik jastar syılyǵynyń ıegeri Altynbek Ábilda, Halyqaralyq baıqaýlardyń laýreattary: Talǵat Allabırınov, Altynbek Arystanbek, Nursát Almas, Jandos Imanbaı, Aıdos Ońǵarbaı, Nurjan Meıirhan qatysady.

Astana qalasy ákimdiginiń E.Rahmadıev atyndaǵy Memlekettik akademııalyq fılarmonııasynyń baspasóz qyzmeti