Júgirýdiń  densaýlyqqa shıpasy zor

Árbir sport túrin alyp qarasaq ta, bissimilási dene qurylysyn qyzdyrýdan bastalary belgili. Týrasyn aıtqanda, júgirýdiń densaýlyqqa berer  paıdasy zor ekendigin jaqsy bilemiz. Mysaly, aty áıgili palýan Dáýlet Turlyqanov jattyǵýda aıanbaı ter tógý arqyly belgili bir nátıjege qol jetkizetinin aıtady. Sondaı-aq, ataqty palýan júgirýdiń kásibı sportshy úshin mańyzy zor ekendigin aıtp kele, ózi de jattyǵý aldynda uzaq qashyqtyqqa  júgirgendi jaqsy kóretindigin keńes retinde sóz etedi. Rasymen de kóptegen palýandaryrymyz sol júgirýge mán bermegendiktiń áserinen bozkilemde yrsyldap, torsyldap demderi taýsylyp ýaqytynan buryn sharshap qalyp jatady. Sondyqtan da júgirýdiń jalpy sportshy bolsyn qarapaıym salaýatty ómir jolynda júrgen adamdar úshin mańyzy erekshe. Al qarapaıym  qala turǵyndarynyń salaýatty ómir salty qalaı ustanyp jatyr degen suraqqa, ázirge sol salanyń qulaǵyn ustap júrgen jekeleı federaııalar men qala basshylyqtarynyń jumysynan baıqaýǵa bolady.  Bıylǵy jyly Almaty qalasynda jeńil atletıka federaııasy qurylyp, onyń basshysy bolyp bilikti de bilgir maman Muhıt Ázerbaev taǵaıyndalǵany týraly barlyq aqparat quraldary jazǵan bolatyn.

Qazirgi tańda shaharda aıtýly sport túrinen kóptegen ıgilikti sharalar uıymdastyrylyp, qala jurtshylyǵyn salaýatty ómirge tartýda orasan jumys jasalynyp keledi. Bardy bar, joqty joq dep aıtqan oryndy. Sondyqtan da osy federaııanyń basshysy bolyp kelgen Muhıt Baqytjanuly Ázirbaevtyń jas ta bolsa, bas bolyp serpindi isterimen kóptiń rızashylyǵyna bólenip júrgeni qýantady. Árıne, ońtústik shaharymyzda jeńil atletıkadan Ǵusman Qosaovty eske alýǵa arnalǵan dástúrli  halyqaralyq alaman jarys ótkizilip turady.  Bul jarystyń jeńil atletıka sportynyń damýy úshi qosary mol. Jeńil atletıka aıaýly qalamyz Almatyda  jaman deńgeıde bolǵan emes, degenmen de arnaıy sport ǵımarttarynyń tapshylyǵynan qanshama talantty  jelaıaqtarymyz súıikti sportyn tastap ketip tasada qalyp jatatyny ótirik emes. Bolashaqta osy máseleni kóterý jolynda jańa baǵdarlamalaryn usynyp, qala turǵyndarynyń júgirýmen aınalysatyn ortalyqtardyń qurylysyn jańǵyrtý baǵytynda Almaty jeńil atletıka fedearııasynyń basshysy Muhıt Ázirbaev tereń mán berip, qolǵa almaqshy eken. «Meteor» degen uranmen uıymdastyrylǵaly otyrǵan júgirý jobasyna muryndyq bolyp otyrǵannyń biri de — Muhıt Ázirbaev. Endeshe aldynan jarylqasyn deımiz.

Aıtalyq, osy aptanyń aıaǵynda Almatyda jeńil atletıkadan kólemdi buqaralyq dúbirli shara uıymdastyrylǵaly otyr. Bul shara qala jurtshylyǵy men qatar kásipqoı sportshylardyń arasynda ótpek. «Meteor» degen uranmen uıymdastyrylǵaly otyrǵan aıtýly sporttyq sharaǵa  Almaty qalasy ákimshiligi, qalalyq jeńil atletıka federaııasy men «Ekstremaldyq atletıka» birikken ortalyqtary uıytqy bolǵan eken.

Jarystyń erekshelikterine toqtalsaq. Qarashanyń 4-5 aralyǵynda ótetin jarys aldynda qatysýshylardyń kásibı sheberligin arttyrý jolynda «Almaty arenada» júgirýge nıetti  jelaıaqtarǵa ashyq jattyǵý ótken bolatyn. Ol jattyǵýdy joǵary deńgeıdegi birinshi sanattaǵy jattyqtyrýshy   QR sport sheberi, jeńil atletıkadan Halyqaralyq jáne respýblıkalyq jarystardyń jeńimpazy ári júldegeri Danıl Ereщenko júrgizip, júgirý tehıkasyn meńgerýdegi birshama paıdaly keńesterimen bólisti. Sheberlik sabaǵyna qatysqan 30-dan astam adam, 2 saǵat boıy júgirý kezinde estafetalyq taıaqty qoldan qolǵa berýdegi utymdy sátter men qysqa jáne uzaq qashyqtyqta júgirý kezinde demdi únemdeýdiń túrli tehıkasyn  mamannan úırenip, jarysqa  daıyndyqtaryn shyńdady.  Kásibı sportshylar áýesqoılar arasynda ótkeli otyrǵan bul jarysqa 14 jastan joǵary jekeleı jáne komandalyq estafeta jarysy boıynsha synǵa túsedi. Aıtalyq, sportshylar men áýesqoılar bul jarysta  400m, 800 m, 1500 m, jáne 3000 m qashyqtyqqa júgirýge qatysyp, 400 m 4 adamnan nemese «Shved estafetasy» dep ataý alǵan synda aralas komandanyń quramynda júgirý múmkindigine ıe bolady. Hosh, sonymen apta aıaǵynda almatylyqtardy taǵy bir alaman jarys kútip tur. Qatysyp baǵyn synamaq bolǵan barlyq jelaıaqtarǵa bir jaǵynan marapat, abyroı ataq bolsa,  bir jaǵynan densaýlyqtaryn saýyqtyrýǵa zor múmkindik týǵaly otyr.

Aqyn ORDABAIULY,

ALMATY.