جۇگىرۋدىڭ  دەنساۋلىققا شيپاسى زور

ءاربىر سپورت ءتۇرىن الىپ قاراساق تا، ءبىسسىمىلاسى دەنە قۇرىلىسىن قىزدىرۋدان باستالارى بەلگىلى. تۋراسىن ايتقاندا، جۇگىرۋدىڭ دەنساۋلىققا بەرەر  پايداسى زور ەكەندىگىن جاقسى بىلەمىز. مىسالى، اتى ايگىلى پالۋان داۋلەت تۇرلىقانوۆ جاتتىعۋدا ايانباي تەر توگۋ ارقىلى بەلگىلى ءبىر ناتيجەگە قول جەتكىزەتىنىن ايتادى. سونداي-اق، اتاقتى پالۋان جۇگىرۋدىڭ كاسىبي سپورتشى ءۇشىن ماڭىزى زور ەكەندىگىن ايتپ كەلە، ءوزى دە جاتتىعۋ الدىندا ۇزاق قاشىقتىققا  جۇگىرگەندى جاقسى كورەتىندىگىن كەڭەس رەتىندە ءسوز ەتەدى. راسىمەن دە كوپتەگەن پالۋاندارىرىمىز سول جۇگىرۋگە ءمان بەرمەگەندىكتىڭ اسەرىنەن بوزكىلەمدە ىرسىلداپ، تورسىلداپ دەمدەرى تاۋسىلىپ ۋاقىتىنان بۇرىن شارشاپ قالىپ جاتادى. سوندىقتان دا جۇگىرۋدىڭ جالپى سپورتشى بولسىن قاراپايىم سالاۋاتتى ءومىر جولىندا جۇرگەن ادامدار ءۇشىن ماڭىزى ەرەكشە. ال قاراپايىم  قالا تۇرعىندارىنىڭ سالاۋاتتى ءومىر سالتى قالاي ۇستانىپ جاتىر دەگەن سۇراققا، ازىرگە سول سالانىڭ قۇلاعىن ۇستاپ جۇرگەن جەكەلەي فەدەراتسيالار مەن قالا باسشىلىقتارىنىڭ جۇمىسىنان بايقاۋعا بولادى.  بيىلعى جىلى الماتى قالاسىندا جەڭىل اتلەتيكا فەدەراتسياسى قۇرىلىپ، ونىڭ باسشىسى بولىپ بىلىكتى دە بىلگىر مامان مۇحيت ازەرباەۆ تاعايىندالعانى تۋرالى بارلىق اقپارات قۇرالدارى جازعان بولاتىن.

قازىرگى تاڭدا شاھاردا ايتۋلى سپورت تۇرىنەن كوپتەگەن يگىلىكتى شارالار ۇيىمداستىرىلىپ، قالا جۇرتشىلىعىن سالاۋاتتى ومىرگە تارتۋدا وراسان جۇمىس جاسالىنىپ كەلەدى. باردى بار، جوقتى جوق دەپ ايتقان ورىندى. سوندىقتان دا وسى فەدەراتسيانىڭ باسشىسى بولىپ كەلگەن مۇحيت باقىتجان ۇلى ازىرباەۆتىڭ جاس تا بولسا، باس بولىپ سەرپىندى ىستەرىمەن كوپتىڭ ريزاشىلىعىنا بولەنىپ جۇرگەنى قۋانتادى. ارينە، وڭتۇستىك شاھارىمىزدا جەڭىل اتلەتيكادان عۇسمان قوساوۆتى ەسكە الۋعا ارنالعان ءداستۇرلى  حالىقارالىق الامان جارىس وتكىزىلىپ تۇرادى.  بۇل جارىستىڭ جەڭىل اتلەتيكا سپورتىنىڭ دامۋى ءۇشى قوسارى مول. جەڭىل اتلەتيكا اياۋلى قالامىز الماتىدا  جامان دەڭگەيدە بولعان ەمەس، دەگەنمەن دە ارنايى سپورت عيمارتتارىنىڭ تاپشىلىعىنان قانشاما تالانتتى  جەلاياقتارىمىز سۇيىكتى سپورتىن تاستاپ كەتىپ تاسادا قالىپ جاتاتىنى وتىرىك ەمەس. بولاشاقتا وسى ماسەلەنى كوتەرۋ جولىندا جاڭا باعدارلامالارىن ۇسىنىپ، قالا تۇرعىندارىنىڭ جۇگىرۋمەن اينالىساتىن ورتالىقتاردىڭ قۇرىلىسىن جاڭعىرتۋ باعىتىندا الماتى جەڭىل اتلەتيكا فەدەارتسياسىنىڭ باسشىسى مۇحيت ازىرباەۆ تەرەڭ ءمان بەرىپ، قولعا الماقشى ەكەن. «مەتەور» دەگەن ۇرانمەن ۇيىمداستىرىلعالى وتىرعان جۇگىرۋ جوباسىنا مۇرىندىق بولىپ وتىرعاننىڭ ءبىرى دە — مۇحيت ازىرباەۆ. ەندەشە الدىنان جارىلقاسىن دەيمىز.

ايتالىق، وسى اپتانىڭ اياعىندا الماتىدا جەڭىل اتلەتيكادان كولەمدى بۇقارالىق ءدۇبىرلى شارا ۇيىمداستىرىلعالى وتىر. بۇل شارا قالا جۇرتشىلىعى مەن قاتار كاسىپقوي سپورتشىلاردىڭ اراسىندا وتپەك. «مەتەور» دەگەن ۇرانمەن ۇيىمداستىرىلعالى وتىرعان ايتۋلى سپورتتىق شاراعا  الماتى قالاسى اكىمشىلىگى، قالالىق جەڭىل اتلەتيكا فەدەراتسياسى مەن «ەكسترەمالدىق اتلەتيكا» بىرىككەن ورتالىقتارى ۇيىتقى بولعان ەكەن.

جارىستىڭ ەرەكشەلىكتەرىنە توقتالساق. قاراشانىڭ 4-5 ارالىعىندا وتەتىن جارىس الدىندا قاتىسۋشىلاردىڭ كاسىبي شەبەرلىگىن ارتتىرۋ جولىندا «الماتى ارەنادا» جۇگىرۋگە نيەتتى  جەلاياقتارعا اشىق جاتتىعۋ وتكەن بولاتىن. ول جاتتىعۋدى جوعارى دەڭگەيدەگى ءبىرىنشى ساناتتاعى جاتتىقتىرۋشى   قر سپورت شەبەرى، جەڭىل اتلەتيكادان حالىقارالىق جانە رەسپۋبليكالىق جارىستاردىڭ جەڭىمپازى ءارى جۇلدەگەرى دانيل ەرەششەنكو جۇرگىزىپ، جۇگىرۋ تەحيكاسىن مەڭگەرۋدەگى ءبىرشاما پايدالى كەڭەستەرىمەن ءبولىستى. شەبەرلىك ساباعىنا قاتىسقان 30-دان استام ادام، 2 ساعات بويى جۇگىرۋ كەزىندە ەستافەتالىق تاياقتى قولدان قولعا بەرۋدەگى ۇتىمدى ساتتەر مەن قىسقا جانە ۇزاق قاشىقتىقتا جۇگىرۋ كەزىندە دەمدى ۇنەمدەۋدىڭ ءتۇرلى تەحيكاسىن  ماماننان ۇيرەنىپ، جارىسقا  دايىندىقتارىن شىڭدادى.  كاسىبي سپورتشىلار اۋەسقويلار اراسىندا وتكەلى وتىرعان بۇل جارىسقا 14 جاستان جوعارى جەكەلەي جانە كوماندالىق ەستافەتا جارىسى بويىنشا سىنعا تۇسەدى. ايتالىق، سپورتشىلار مەن اۋەسقويلار بۇل جارىستا  400م، 800 م، 1500 م، جانە 3000 م قاشىقتىققا جۇگىرۋگە قاتىسىپ، 400 م 4 ادامنان نەمەسە «شۆەد ەستافەتاسى» دەپ اتاۋ العان سىندا ارالاس كوماندانىڭ قۇرامىندا جۇگىرۋ مۇمكىندىگىنە يە بولادى. حوش، سونىمەن اپتا اياعىندا الماتىلىقتاردى تاعى ءبىر الامان جارىس كۇتىپ تۇر. قاتىسىپ باعىن سىناماق بولعان بارلىق جەلاياقتارعا ءبىر جاعىنان ماراپات، ابىروي اتاق بولسا،  ءبىر جاعىنان دەنساۋلىقتارىن ساۋىقتىرۋعا زور مۇمكىندىك تۋعالى وتىر.

اقىن ورداباي ۇلى،

الماتى.