Messıdiń transferlik baǵasy arzandap ketti

Fýtboldan álem chempıony, Argentınanyń ulttyq quramasy komandasy men «Parı Sen-Jermen» klýbynyń shabýylshysy Lıonel Messıdiń transferlik baǵasy 16 jylda alǵash ret  50 mln eýrodan arzandap ketti.

Osy kezge deıin Messıdiń quny 45 mln eýro bolǵan. Sóıtip, argentınalyq fýtbolshynyń transferlik baǵasy 2007 jyldan beri alǵash ret 50 mln eýrodan arzan bolyp otyr.

Byltyrǵy jyldyń qarasha aıynda Transfermarkt Messıdi 50 mln eýroǵa baǵalaǵan, al 2018 jyly onyń baǵasy 180 mln eýro boldy.

Bıylǵy maýsymda argentınalyq 35 jastaǵy fýtbolshy 32 oıynda 18 gol salyp, 17 nátıjeli pas bergen.

Qolda bar málmetke qaraǵanda, «PSJ» shabýylshysy ákesi ári agenti Horhe Messıden «Barselona» basshylyǵymen onyń katalonııalyq klýbqa qaıta oralýy týraly kelissóz júrgizýin suraǵan. Al fýtbolshynyń ózi klýbtyń bas jattyqtyrýshysy Havımen kelisimshart týraly sóılesip jatqan kórinedi.

Ol Franııanyń klýbynda 2021 jyldan beri oınaıdy. Bıylǵy jazda Messıdiń «Parı Sen-Jermenmen» kelisimsharty aıaqtalady.

Dastan KENJALIN,

ASTANA