مەسسيدىڭ ترانسفەرلىك باعاسى ارزانداپ كەتتى

فۋتبولدان الەم چەمپيونى، ارگەنتينانىڭ ۇلتتىق قۇراماسى كومانداسى مەن «پاري سەن-جەرمەن» كلۋبىنىڭ شابۋىلشىسى ليونەل مەسسيدىڭ ترانسفەرلىك باعاسى 16 جىلدا العاش رەت  50 ملن ەۋرودان ارزانداپ كەتتى.

وسى كەزگە دەيىن مەسسيدىڭ قۇنى 45 ملن ەۋرو بولعان. ءسويتىپ، ارگەنتينالىق فۋتبولشىنىڭ ترانسفەرلىك باعاسى 2007 جىلدان بەرى العاش رەت 50 ملن ەۋرودان ارزان بولىپ وتىر.

بىلتىرعى جىلدىڭ قاراشا ايىندا Transfermarkt مەسسيدى 50 ملن ەۋروعا باعالاعان، ال 2018 جىلى ونىڭ باعاسى 180 ملن ەۋرو بولدى.

بيىلعى ماۋسىمدا ارگەنتينالىق 35 جاستاعى فۋتبولشى 32 ويىندا 18 گول سالىپ، 17 ناتيجەلى پاس بەرگەن.

قولدا بار مالمەتكە قاراعاندا، «پسج» شابۋىلشىسى اكەسى ءارى اگەنتى حورحە مەسسيدەن «بارسەلونا» باسشىلىعىمەن ونىڭ كاتالونيالىق كلۋبقا قايتا ورالۋى تۋرالى كەلىسسوز جۇرگىزۋىن سۇراعان. ال فۋتبولشىنىڭ ءوزى كلۋبتىڭ باس جاتتىقتىرۋشىسى حاۆيمەن كەلىسىمشارت تۋرالى سويلەسىپ جاتقان كورىنەدى.

ول فرانتسيانىڭ كلۋبىندا 2021 جىلدان بەرى وينايدى. بيىلعى جازدا مەسسيدىڭ «پاري سەن-جەرمەنمەن» كەلىسىمشارتى اياقتالادى.

داستان كەنجالين،

استانا