Rybakına Astanadaǵy týrnırge qatysady

Qazaqstannyń birinshi jáne álemniń jetinshi raketkasy Elena Rybakına 14-15 sáýirde tennısten Astanada ótetin Bıllı Djın Kıng Kýbogy (Billie Jean King Cup) úshin irikteý kezeńine qatysatyn ulttyq quramanyń sapynda Polsha komandasynyń tennısshilerimen kezdesedi.

Bul kezdesýde Rybakınamen birge Iýlııa Pýtıneva, Anna Danılına, Gózal Aınıtdınova men Janel Rústemova kúsh synasady. Qosalqy quramda Arýjan Saǵyndyqova bolady.

Qazaqstan tennıs federaııasynyń habarlaýynsha, Bıllı Djın Kıng Kýbogy  ulttyq qurama turaqty túrde qatysatyn áıelder arasyndaǵy eń iri halyqaralyq komandalyq tennıs jarysy.

Bul týrnırdi Halyqaralyq tennıs federaııasy uıymdastyrady. 1963-2020 jyldary týrnır Federaııa kýbogy dep ataldy (Federaııa kýbogy, 1995 jyldan bastap Federaııa kýbogy), 2020 jyldyń qyrkúıeginde ol amerıkalyq tennısshi Bıllı Jan Kıngtiń qurmetine ózgertildi, — delingen materıalda.

Álemde erler arasynda osy sııaqty týrnır Devıs Kýbogy dep atalady.
Týrnır ótkizý ıdeıasy 1919 jyly Hazel Hotchkıss-Ýaıtman hanym áıelder komandalyq jarysynyń tujyrymdamasyn usynǵan kezde paıda boldy. Biraq usynys qoldaý tappady. Sodan keıin sportshy 1923 jyly sol kezdegi álemdik tennıste myqty komandalar bolǵan AQSh pen Ulybrıtanııa quramalarynyń jyl saıynǵy kezdesýiniń jeńimpazyna syılyq berip otyrdy. Ol týrnır Ýaıtman kýbogy dep ataldy

Al 1960 jyldardyń basynda áıelder arasynda jarys ótkizý ıdeıasyn aty ańyzǵa aınalǵan avstralııalyq tennısshi, Devıs kýbogy komandasynyń kapıtany Garrı Hopmannyń áıeli Nell Hopman qoldady. Sóıtip, týrnır alǵash ret 1963 jyly Londondaǵy Queen’s klýbynda Halyqaralyq tennıs federaııasynyń 50 jyldyǵyna oraı ótkizildi. Oǵan AQSh pen Ulybrıtanııa ǵana emes, kez kelgen eldiń komandalary qatysa alatyn boldy. Kópshilik asyǵa kútken týrnır óte sátti ótti. Sol kezdegi jarysqa 16 komanda qatysty. Oǵan búkil álemdik tennıs elıtasy qatysty dese bolady. AQSh quramasy alǵashqy týrnırde jeńiske jetti.