رەسەيلىك حوككەيشى قازاقستان ازاماتتىعىن الۋعا ءماجبۇر بولدى

حوككەيشى دميتري گۋركوۆ رەسەي ازاماتتىعىنان باس تارتتى. قازاقستان قۇراماسىندا ويناپ جۇرگەن 26 جاستاعى سپورتشى مۇنداي قادامعا الەم چەمپيوناتىنا قاتىسۋ ءۇشىن بارعان.

Sportbox-ءتىڭ حابارلاۋىنشا، دميتري گۋركوۆ بۇعان دەيىن قوس ازاماتتىقپەن (رەسەي، قازاقستان) جۇرگەن. بىراق الەم چەمپيوناتىنان رەسەي مەن بەلارۋسيا قۇرامالارىنىڭ شەتتەلۋى ونىڭ «كيىن شەشىم قابىلداۋىنا» الىپ كەلگەن. اقىرىندا ول قازاقستان ازاماتى پاسپورتىمەن عانا قالىپ وتىر.

«شابۋىلشى ازيا ەلىنىڭ زاڭناماسىنا بايلانىستى تەك قازاقستان پاسپورتىن قالدىرۋعا ءماجبۇر بولدى. بۇعان دەيىن جانكۇيەرلەر 4 حوككەيشىنىڭ قوس ازاماتتىعى بار ەكەنىن ەسكەرتىپ، تەكسەرۋدى تالاپ ەتكەن. وسىلايشا، ويىنشىلارعا قازاقستان قۇراماسى ءۇشىن الەم چەمپيوناتىندا (الەم كۋبوگىندا) ونەر كورسەتكىسى كەلسە، رەسەي پاسپورتىنان باس تارتۋ ۇسىنىلدى»، — دەلىنگەن اقپاراتتا.
ەركەعالي بەيسەنوۆ،

استانا