Fýtboldan áıelder arasynda Ulttar lıgasy ótedi

Búgin áıelder quramalary arasyndaǵy Ulttar lıgasynyń jerebe tartý rásimi ótedi.

ÝEFA Atqarýshy komıteti byltyr kúzde áıelder arasynda ÝEFA Ulttar lıgasyn ótkizý týraly sheshim qabyldady. Bul jarys Olımpııalyq oıyndar men Eýropa jáne álem chempıonatynyń irikteý týrnıri bolyp sanalady.

Qazaqstan fýtbol federaııasynyń habarlaýynsha, Ulttar lıgasy alǵash ret 2025 jyly áıelder arasynda ótetin Eýropa chempıonatynyń irikteý týrnıri bolyp ótkiziledi. Bıylǵy jyldyń kúzinen bastap jańa júıe ÝEFA Ulttar lıgasy men Eýropa irikteý kezeńin biriktiredi.

Toptyq kezeńde komandalar ÝEFA áıelder quramalarynyń reıtıngici boıynsha úsh lıgaǵa bólinedi. Qazaqstan quramasy S lıgasyna tústi. Tórt topqa ár sebetten bir komandadan túsedi. Al besinshi top alǵashqy úsh sebetten qalǵan komandalardan quralady.

Jerebe tartý rásimi 2 mamyr kúni Astana ýaqyty boıynsha 17.00-de bastalady.

1-sebet: Malta, Izraıl, Ázerbaıjan, Túrkııa, Soltústik Makedonııa

2-sebet: Kosovo, Chernogorııa, Lıýksembýrg, Estonııa, Moldova

3-sebet: Lıtva, Qazaqstan, Latvııa, Bolgarııa, Kıpr

4-sebet: Farer araldary, Grýzııa, Armenııa, Andorra

S lıgasyndaǵy bes toptyń jeńimpazdary V lıgasyna ótedi. Ekinshi oryn alǵan úsh úzdik komanda V lıgasynda úshinshi oryn alǵan úsh úzdik komandamen ótpeli oıyndar ótkizedi. Jeńimpazdar Eýropa irikteý kezeńinde V lıgasynda oınaıdy. Al utylǵan komandalar S lıgasynyń oıyndaryna qatysady.

Áıelder arasynda ÝEFA Ulttar lıgasynyń kúntizbesi-2023/2024:

Toptyq kezeń:

1-2 týrlar:

20-26 qyrkúıek, 2023 jyl

3-4 týrlar:

25-31 qazan 2023 jyl

5-6 týrlar:

29 qarasha — 5 jeltoqsan 2023 jyl

Fınaldyq kezeń

21-28 aqpan 2024 jyl

О́tpeli oıyndar

21-28 aqpan 2024 jyl

 

Dastan KENJALIN,

ASTANA