فۋتبولدان ايەلدەر اراسىندا ۇلتتار ليگاسى وتەدى

بۇگىن ايەلدەر قۇرامالارى اراسىنداعى ۇلتتار ليگاسىنىڭ جەرەبە تارتۋ ءراسىمى وتەدى.

ۋەفا اتقارۋشى كوميتەتى بىلتىر كۇزدە ايەلدەر اراسىندا ۋەفا ۇلتتار ليگاسىن وتكىزۋ تۋرالى شەشىم قابىلدادى. بۇل جارىس وليمپيالىق ويىندار مەن ەۋروپا جانە الەم چەمپيوناتىنىڭ ىرىكتەۋ ءتۋرنيرى بولىپ سانالادى.

قازاقستان فۋتبول فەدەراتسياسىنىڭ حابارلاۋىنشا، ۇلتتار ليگاسى العاش رەت 2025 جىلى ايەلدەر اراسىندا وتەتىن ەۋروپا چەمپيوناتىنىڭ ىرىكتەۋ ءتۋرنيرى بولىپ وتكىزىلەدى. بيىلعى جىلدىڭ كۇزىنەن باستاپ جاڭا جۇيە ۋەفا ۇلتتار ليگاسى مەن ەۋروپا ىرىكتەۋ كەزەڭىن بىرىكتىرەدى.

توپتىق كەزەڭدە كوماندالار ۋەفا ايەلدەر قۇرامالارىنىڭ رەيتينگىcى بويىنشا ءۇش ليگاعا بولىنەدى. قازاقستان قۇراماسى س ليگاسىنا ءتۇستى. ءتورت توپقا ءار سەبەتتەن ءبىر كوماندادان تۇسەدى. ال بەسىنشى توپ العاشقى ءۇش سەبەتتەن قالعان كوماندالاردان قۇرالادى.

جەرەبە تارتۋ ءراسىمى 2 مامىر كۇنى استانا ۋاقىتى بويىنشا 17.00-دە باستالادى.

1-سەبەت: مالتا، يزرايل، ازەربايجان، تۇركيا، سولتۇستىك ماكەدونيا

2-سەبەت: كوسوۆو، چەرنوگوريا، ليۋكسەمبۋرگ، ەستونيا، مولدوۆا

3-سەبەت: ليتۆا، قازاقستان، لاتۆيا، بولگاريا، كيپر

4-سەبەت: فارەر ارالدارى، گرۋزيا، ارمەنيا، اندوررا

س ليگاسىنداعى بەس توپتىڭ جەڭىمپازدارى ۆ ليگاسىنا وتەدى. ەكىنشى ورىن العان ءۇش ۇزدىك كوماندا ۆ ليگاسىندا ءۇشىنشى ورىن العان ءۇش ۇزدىك كوماندامەن وتپەلى ويىندار وتكىزەدى. جەڭىمپازدار ەۋروپا ىرىكتەۋ كەزەڭىندە ۆ ليگاسىندا وينايدى. ال ۇتىلعان كوماندالار س ليگاسىنىڭ ويىندارىنا قاتىسادى.

ايەلدەر اراسىندا ۋەفا ۇلتتار ليگاسىنىڭ كۇنتىزبەسى-2023/2024:

توپتىق كەزەڭ:

1-2 تۋرلار:

20-26 قىركۇيەك، 2023 جىل

3-4 تۋرلار:

25-31 قازان 2023 جىل

5-6 تۋرلار:

29 قاراشا — 5 جەلتوقسان 2023 جىل

فينالدىق كەزەڭ

21-28 اقپان 2024 جىل

وتپەلى ويىندار

21-28 اقپان 2024 جىل

 

داستان كەنجالين،

استانا