SportPress.kz قازاقستان سپورت جاڭالىقتارى
جەتىسۋ وبلىسى، قارابۇلاق اۋىلىنىڭ 63 جاستاعى تۇرعىنى باقىتجان بەكتەنوۆ ۆەلوسيپەدپەن 1 250 شاقىرىم جول ءجۇرىپ، تۇركىستان قالاسىنا 6 كۇندە جەتتى. ول بۇرىننان بەرى ۆەلومارافوندارعا قاتىسىپ كەلەدى.
ۆەلوشاباندوزدى تۇركىستان وبلىسىنىڭ دەنە شىنىقتىرۋ جانە سپورت باسقارماسىنىڭ باسشىسى قانات جولدىقاراەۆ قارسى الىپ، قۇرمەت كورسەتتى. ال باقىتجان بەكتەنوۆ جينالعان كوپشىلىكتىڭ الدىندا ساپارىنىڭ ءمانى مەن ماڭىزىن، تۇركىستاننىڭ مادەنيەتى جانە تۋريزمىمەن ءجىتى تانىسقىم كەلەتىنىن ايتتى.
مەنى قارسى الىپ، قۇرمەت كورسەتىپ جاتقان جاندارعا مىڭ العىس. تۇركىستان وبلىسىندا بۇقارالىق سپورت جاڭا سيپاتقا ەنىپ، ەلىمىزدىڭ بولاشاعى جاستاردى سپورتپەن كوپتەپ شۇعىلدانۋعا شاقىرامىن، – دەدى ول.
وسىدان كەيىن ۆەلومارافونشى تۇركىستان مەن كەنتاۋ قالالارىنىڭ ۆەلوسپورت وكىلدەرىمەن، جاس سپورتشىلارمەن كەزدەستى. جاسوسپىرىمدەرگە اقىل-كەڭەسىن ايتىپ، ۆەلوسپورتتى دامىتۋدىڭ ماڭىزدىلىعىن جەتكىزدى.
داستان كەنجالين،
استانا
