Velomarafonshy 1250 shaqyrym júrip, Túrkistanǵa jetti

Jetisý oblysy, Qarabulaq aýylynyń 63 jastaǵy turǵyny Baqytjan Bektenov velosıpedpen 1 250 shaqyrym jol júrip, Túrkistan qalasyna 6 kúnde jetti. Ol burynnan beri velomarafondarǵa qatysyp keledi.

Veloshabandozdy Túrkistan oblysynyń dene shynyqtyrý jáne sport basqarmasynyń basshysy Qanat Joldyqaraev qarsy alyp, qurmet kórsetti. Al Baqytjan Bektenov jınalǵan kópshiliktiń aldynda saparynyń máni men mańyzyn,  Túrkistannyń mádenıeti jáne týrızmimen jiti tanysqym keletinin aıtty.

Meni qarsy alyp, qurmet kórsetip jatqan jandarǵa myń alǵys. Túrkistan oblysynda buqaralyq sport jańa sıpatqa enip, elimizdiń bolashaǵy jastardy sportpen kóptep shuǵyldanýǵa shaqyramyn, – dedi ol.

Osydan keıin velomarafonshy Túrkistan men Kentaý qalalarynyń velosport ókilderimen, jas sportshylarmen kezdesti. Jasóspirimderge aqyl-keńesin aıtyp, velosportty damytýdyń mańyzdylyǵyn jetkizdi.

Dastan KENJALIN,

ASTANA